Turizm va mehmonxona xo’jaligi” kafedrasi o’zbekiston iqtisodiyoti fani bo’yichA

Oziq-ovqat sanoati. Oziq-ovqat sanoati, bir tomondan, agrosanoat majmuasi tarkibiga kirsa, boshqa tomondan mamlakat oziq-ovqat xavfsizligini ta’minlashda yetakchi vazifani bajarayotgan ishlab chiqarish sohasi hisoblanadi. Tarmoq tarkibiga go‘sht-sut, yog‘-moy, baliq mahsulotlari, un-yorma, makaron, meva-sabzavot konservalari, sut-yog‘, shakar, choy qadoqlash, qandolatchilik, non, uzum, shampan vinolari, spirt, chanqovbosdi ichimliklar, sovun sanoati korxonalari kiritiladi.

O‘zbekistonning zamonaviy oziq-ovqat sanoatida 3200 dan oshiq korxonalarda jami 200 dan oshiq mahsulotlar ishlab chiqarilmoqda.

Mustaqillik yillarida oziq-ovqat sanoatida ham tashkiliy-iqtisodiy islohotlar amalga oshirilgan. Jumladan, davlat tasarrufidan chiqarish va xususiylashtirish ishlari amalga oshirilib, «Oziq-ovqat sanoat» va «Yog‘moytamakisanoat» uyushmalari, «O‘zgo‘shtsanoat» davlat aksiyadorlik uyushmasi, «O‘zdonmahsulot» davlat aksiyadorlik korporatsiyasi, «O‘zmevasabzavotuzumsanoat» davlat aksiyadorlik uyushmasi, «O‘zbaliq» davlat aksiyadorlik korporatsiyasi kabi davlat va nodavlat tuzilmalari shakllantirildi. Bu – agrosanoat majmuasida ko‘p ukladli tizim yuzaga kelganligini bildiradi.

Keyingi yillarda oziq-ovqat sanoati mahsulotlari ishlab chiqarish hajmi barqaror o‘sib bormoqda, bu aholining o‘sib borayotgan ehtiyojlarini to‘laroq qondirish imkoniyatini bermoqda. 2016-yilda 17,7 ming tonna qandolatchilik mahsulotlari, 188,3 mln.litr. pivo, 0,587 ming tonna go‘sht va go‘sht mahsulotlari, 9,76 ming tonna kolbasa mahsulotlari, 51,86 ming tonna sut va sut mahsulotlari, 0,836 ming tonna sariyog‘, 0,644 ming tonna pishloq va brinza, 145,38 ming tonna meva-sabzavot konservasi, 535,0 ming tonna shakar ishlab chiqarildi. 2016 yilda “O‘zbekoziqovqatxolding” XK korxonalarida 58,52 mlrd. so‘mlik mahsulot ishlab chiqarilgan va 293 nomdagi yangi turdagi mahsulot ishlab chiqarish o‘zlashtirilgan.