Turistik tashkilotlar va ular faoliyatining tashkiliy-huquqiy asoslari

Капитал қуйилмалар (100-сатр)да бозорларнинг ўз мақсадларида хўжалик ёки пудрат усулларида олиб борган тугалланмаган капитал инвестицияларининг қиймати кўрсатилади.
Ишлаб чиқариш заҳиралари (150-сатр)да омборларда сақланаётган материаллар, хўжалик инвентарлари ҳисоб сиёсатида белгиланган ҳисоб баҳоларидаги қиймати акс эттирилади. Ушбу сатр суммаси 1000 «Материалларни ҳисобга олувчи счётлар» тизимида очилган барча счётлар қолдиқларининг йиғиндисига, шунингдек барча моддий жавобгар шахсларнинг ҳисобот даври охирига тузган материал ҳисоботи қолдиқлари йиғиндисига тенг бўлиши лозим.
Келгуси давр харажатлари (190-сатр)да бозорларнинг ҳисобот даврида кўрсатилган хизматлар таннархи ва давр харажатларига тегишли бўлмаган харажатлари акс эттирилади. Ушбу сатрда бозорлар ўзларининг қуйидаги харажатларини акс эттиради:
- келгуси даврда кўрсатиладиган хизматлар учун олинган рухсатнома (лицензия) тўловлари;
- келгусида жорий этилиши мумкин бўлган бизнес-режаларни ишлаб чиқишга доир харажатлар;
- келгуси йилда чоп этиладиган махсус меъёрий-техник адабиётлар учун қилинган сарфлар;
- келгуси йил учун ўтказиб қўйилган ижара тўловлари;
- мавсумий характерга эга бўлган ишлар учун олдиндан тўловлар, чунончи, асосий воситаларни консервация қилиш харажатлари;
- янги иш ўринлари учун кадрларни жалб этиш ва тайёрлаш харажатлари;
- олдиндан ҳисобланган меҳнат таътили харажатлари;
- келгуси йил учун газета ва журналлар обунаси учун тўловлар;
- бошқа келгуси давр харажатлари.
Жами дебиторлик қарзлар (210-сатр)да бозорларга ҳисобот даври охирига қарздор шахсларнинг жами қарзлари кўрсатилади. Жами дебиторлик қарзлар уларнинг алоҳида турлари бўйича баланснинг мос сатрларида (220, 240, 250, 260, 270, 290, 300, 310) кўрсатилади. Ушбу сатрларни тўлғазишга асос бўлиб дебиторлик қарзларнинг алоҳида турларни акс эттирувчи счётларнинг охирги қолдиқлари ҳисобланади.
Тақсимланмаган фойда (қопланмаган зарар) (450-сатр)да бозорларнинг йил охиридаги жами тақсимламаган фойдаси (қопланмаган зарари) кўрсатилади. Ушбу сумма ўтган йилларнинг тақсимланмаган фойдаси (қопланмаган зарари) ва ҳисобот йилнинг соф фойдаси (қопланмаган зарари) суммаларидан ташкил топади. Қопланмаган зарарлар баланснинг ушбу сатрида минус ишораси билан кўрсатилади.