Turistik tashkilotlar va ular faoliyatining tashkiliy-huquqiy asoslari

1. 
   Turistik tashkilotlar va ular faoliyatining tashkiliy-huquqiy asoslari
   

Ўзбекистон Республикаси Иқтисодиёт вазирлиги томонидан белгиланган халқ хўжалиги тармоқлари класссификаторида туризм соҳаси субъектларига махсус «Дам олиш ва туризм» деб аталган 91600 серияли тармоқ коди ажратилган. Мулкий шакли ва юридик мақомига кўра туристик ташкилотлар очиқ акциядорлик жамиятлари (ОАЖ), маcъулияти чекланган жамиятлар (МЧЖ), хусусий корхоналар (фирмалар) ва давлат унитар корхоналари бўлиши мумкин. 
Номланишига кўра туристик-меҳмонхона мажмуаиси, туристик фирма, туристик база ва бошқалар 
Фаолият юритиш доирасига кўра туристик ташкилотлар ички ва ташқи (халқаро) туристик ташкилотларга бўлинади.
Ихтисослашганлигига кўра туристик ташкилотлар махсус ва универсал ташкилотлар бўлиб ҳисобланади.
Ходимларининг сонига кўра туристик ташкилотлари микрофирмалар, кичик корхоналар, ўрта ва йирик корхоналарга бўлинади. Республикамизнинг қонун ҳужжатларига кўра туризм соҳасида микрофирмалар бўлиб ходимларининг сони 10 тагача, кичик корхоналар бўлиб ходимларининг сони 25 тагача, ўрта корхоналар бўлиб ходимларининг сони 100 тагача ва йирик корхоналар бўлиб ходимларининг сони 100 дан ошиқ бўлган корхоналар ҳисобланади.
Таъсисчиларининг таркибига кўра туристик ташкилотларни маҳаллий ва  хорижий инвестициялар иштирокидаги корхоналарга  бўлиш мумкин. Хорижий инвестициялар иштирокидаги туристик ташкилотлари устав капиталининг миқдори энг камида 150000 АҚШ доллари миқдорида бўлиши лозим.
Маҳаллий туристик ташкилотлар устав капиталининг миқдори ташкил этилган санадаги энг кам иш ҳақининг 400 бараваридан кам бўлмаслиги лозим.
Туристик фаолиятни бажаришдаги ўрнига кўра туристик ташкилотлар туроператор, туристик вакил (турагент) ҳамда ҳар иккаласини ўзида мужассамлаштирган ташкилотларга бўлинади.
Туроператор – бу туристларга турли мақсадлардаги ва йўналишлардаги хизматларни таклиф қилувчи, уни уюштирувчи ва ташкил қилувчи туристик ташкилот.