Turistik tashkilotlar va ular faoliyatining tashkiliy-huquqiy asoslari

Туристик вакил (турагент) – бу туроператорнинг туристларга кўрсатиш бўйича олган мажбуриятини бажаришда воситачилик қилувчи, бу хизматларни бажарилишини тузилган шартномалар асосида таъминловчи жисмоний ва юридик шахслар.
Танлаган солиқ режимига кўра туристик ташкилотлар умумбелгиланган ва ихчамлаштирилган солиқ режимларида ишловчи корхоналарга бўлинади.
Туристик ташкилотларнинг асосий фаолияти – бу туроператорлик ва турвакиллик фаолиятларидир.
Туроператорлик фаолияти деганда махсус рухсатномага (лицензияга) эга бўлган юридик ва жисмоний шахсларнинг туристик маҳсулотларни шакллантириш ва сотиш бўйича фаолияти тушунилади.
Турвакиллик фаолияти деганда махсус рухсатномага (лицензияга) эга бўлган юридик ва жисмоний шахсларнинг туристик хизматларни бевосита кўрсатиш, яъни турмаҳсулотларни сотиш бўйича фаолияти тушунилади
Туристик ташкилотларнинг молиявий фаолияти деганда улар томонидан четдан маблағларни қарз ва кредит эвазига жалб этиш, бунинг учун ўзининг қимматли қоғозларини чиқариш ҳамда уларни жойлаштиришга оид фаолияти тушунилади.

2. 
   Turistik tashkilotlarda buxgalteriya hisobining vazifalari
   

Туристик ташкилотлар ўз фаолиятини хўжалик ҳисоб-китоби асосида юритувчи, яъни ўзини-ўзи маблағ билан таъминловчи, олган даромадлари эвазига барча харажатларини қопловчи ва пировард натижада фойда олувчи хўжалик юритиш субъектларидир.
объектларни кузатиш, улар тўғрисидаги ахборотларни назорат ва таҳлил қилиш ҳамда тегишли бошқарув қарорларини қабул қилиш мақсадида йиғиш, қайд этиш, гуруҳлаш, жамлаш ва фойдаланувчиларга етказиб бериш бухгалтерия ҳисобининг асосий функциялари бўлиб ҳисобланади.
Туристик ташкилотларда бухгалтерия ҳисобининг вазифалари бевосита улар томонидан кўрсатиладиган хизматлар, сотиладиган турмаҳсулотлар, бошқа фаолият турларининг ўзига хос хусусиятларидан келиб чиқади. Ушбу хизматларни қонун ҳужжатлари талабларига мувофиқ олиб борилганлиги, бунда белгиланган меъёр ва тартибларга амал қилинганлигини назорат қилиш, кўрсатилган хизматлардан тушумлар, уларга кетган сарф-харажатларни тўғри ва ўз вақтида ҳужжатлаштириш, туристик хизматларнинг синтетик ва аналитик ҳисобини тизимли юритиш, кўрсатилган хизматлар учун ҳисоб-китобларни ўз вақтида амалга ошишини таъминлаш бухгалтерия ҳисоби олдида турган энг муҳим вазифалардир.

3.