Тупроқ физикаси

§8.8. Мульчалашнинг тупроқ иссиқлик режимига таъсири 
 
Тупроқ иқлимини оптимал даражага олиб келадиган агротехник 
тадбирлардан бири мульчалашдир. 
Бу тупроқнинг устки қисмини ҳар хил материаллар билан қоплашдир. 
Мульчалашда тупроқнинг устки ва пастки қатламлари орасида мавжуд бўлган 
иссиқлик, сув ва моддалар алмашинуви кескин ўзгаради. Мульча сифатида 
ўсимлик қолдиқларидан, майдаланган торф, гўнг, чиринди, похол, ѐғоч 
қириндиси, пичан, кўмир кукуни, шағал ва бошқалардан фойдаланиш мумкин. 
Кейинги 10-15 йил ичида мулча учун ишлатиладиган материаллар 
қаторига полиэтилен ва полиамид каби полимер плѐнкалар ҳам қўшилди, 
улардан қишлоқ хўжалигида кенг фойдаланилмоқда. 
Полиэтилен
плѐнка асосини юқори молекулали бирикмалар ташкил 
қиладиган полимер материаллар қаторига киради. Полиэтилен плѐнкаларнинг 
ижобий хусусиятларидан бири уларнинг спектрал тиниқлигидир. Тупроқни 
мульчалашда плѐнкалар спектрал тиниқлик даражасига қараб учга бўлинади. 
Оқ, тутунсимон ва қора плѐнкалар ана шулар жумласига киради. Йирик 
иссиқхоналарда кўпроқ ѐруғлик тушиши учун оқ полиэтилен плѐнкадан 
фойдаланилади. 
Полиэтилен плѐнканинг мульча сифатидаги энг асосий хоссаларидан 
бири унинг механик пишиқлигидир. Плѐнка юқори ҳароратда кенгайиб, паст 
ҳароратда тораяди. Лекин, ундаги бу ўзгариш 1 м 2,8 см дан ошмайди. Янги 
плѐнка иссиққа (+80
0
С га) ва совуққа (-60
0
гача) чидамлидир. 
Ғўза экилган майдонларни полиэтилен плѐнка билан мулчалаш 
соҳасидаги тажрибалар Ўзбекистонда биринчи марта 1963-1964 йилларда 
Тошкент вилояти Янгийўл туманида ўтказилди. Икки йил мобайнида пахта 

---

203 
даласида оқ, тутунсимон ва қора плѐнкалар синаб кўрилди. Пахта етиштириш 
учун оқ плѐнка энг самарали эканлиги аниқланди. 
Полиэтилен плѐнка билан мульчалаш тупроқнинг иссиқлик режимига 
катта таъсир кўрсатади (43-жадвал).