Erytrotrichia turkumi rizoid yordamida birikkan ip ko‘rinishida. Unda monosporali monosporangiylar hosil bo‘ladi. Monosporalari qattiq po‘stsiz shu boisdan ameboid harakatlanadi, unib yangi o‘simlikka aylanadi.
Jinsiy ko‘payganda monosporalar unib uch hujayrali gametofitga aylanadi.
Kompsopogonlar – Compsopogonales tartibi
Bu tartibga mansub suvo‘tlarda tallom geterotrixal, ko‘pqatorli, shoxlangan. Iplari bir qatorli o‘rta va mayda hujayrali po‘stloqqa tabaqalashgan. Xloroplsatlari parietal, tasma shaklida, pirenoidlarsiz. Ko‘payishi jinssiz monosporalar yordamida amalga oshadi. Vakillari birikib o‘sadi. CHuchuq suvlarda, qisman sho‘rtob havzalarda, akvariumlar, basseynlar, oranjeriyalarning suvlarida ham uchraydi.
Compsopogom tarmoqlangan, substratga birikkan, bo‘yi birnecha santimetrga etadigan havorang, ko‘k-yashil, sapsariq ranglardagi buta ko‘rinishiga ega. Vertikal iplari o‘sishining dastlabki davrida birqatorli, keyin ko‘pqatorliga aylanadi, birqatorli markaziy va po‘stloqga tabaqalashadi. Ko‘payish davrida monosporangiy tallomning asosiy hujayralaridan ajraladi. Ularda bittadan monospora hosil bo‘ladi, u sporangiy devoridagi yirtiqdan tashqariga chiqib unadi va yangi tallomni hosil qiladi.
Bangiofitsa Bangiophyceae sinfi
Sinf Bangia turkumi bilan (Daniyalik botanik Nils Bang sharafiga) nomlangan. Sinf bittagina bangiyalar – Bangiales tartibidan iborat holos.
Ikki yoki uch bosqichli geteromorf hayotiy davrali ko‘phujayrali qizil suvo‘tlar. Gametofitlari yirik, dastlab bir qator keyin ko‘pqator hujayralardan yoki diffuz tarzda o‘sadigan yassiyaproq tuzilishli. Karposporangiy va spermatagiylar bir joyda hosil bo‘ladi. Sporofitlari ipsimon, apikal o‘sadi. Golji apparati endoplazmatik to‘r va mitoxondriyalar bilan bog‘langan. Gameto-fitning xloroplastlari hujayraning o‘rtasida joylashgan, yulduzsimon tuzilishli pirenoidi bor. Sporofitda xloroplastlar tasmasimon, uni o‘rovchi tilakoidli, parietal joylashgan.
Sinfga mansub suvo‘tlarning barchasi dengizlarda tarqalgan, faqat Bangta chuchuk suvlarda ham uchraydi. Ushbu tartib monafilitik va florideyalar bilan uzviy bog‘langan.
Porphyra turkumi tallomi yupqa, ko‘pincha yaltiroq qirrali tekis yoki buklamali yassiyaproq (plastinka) ko‘rinishida. YAssi-yaproq tallomning asosida kalta tanachasi bor. Tallomning shakli enli tasmadan doirasimongacha, uni rangi pushtining turli ko‘ri-nishlarida bo‘lishi mumkin.
Do'stlaringiz bilan baham: |