Tuban o‘simliklar

Hildenbrandia psevdoparenximatoz tallomli, u toshlar va shu kabi substratlarga birikadi. CHuchuk suvlar va dengizlarda tarqalgan. CHuchuk suvlarda tarqalganlari tetrasporalar hosil qilmaydi, ko‘payishni disksimon “gemmalar” deb nomlanadigan hosilalar yordamida amalga oshadi.

Nemaliofitsalar – Nemaliophycidae kenja sinfi

Bu kenja sinfning vakillariga teshik bog‘lamlarida ikkita qavat qalpoqcha mavjudligi harakterli. Kenja sinf 10 tartibni o‘z ichiga olgan. Ulardan ayrimlari bilan tanishamiz.

Korallinalar – Corallinalea tartibi

Bu tartib vakillarining hujayrasini devorlarida kaltsiy karbonat to‘planadi, tetrasporangiylari qo‘shuv alomati ko‘rinishida, karpogon shoxchasini hosil qiladigan hujayra auksillyar vazifasini bajaradi. Urug‘lanish natijasida yuzaga kelgan zigota katta bo‘ladi, u keyin gonimokarpni hosil qiladi. Karpogon shoxchasi ikki hujayrali. Karpogonlar gonimobyaastlar, qo‘shiladigan hujayralar va karposporalar kontseptakullarni ichida hosil bo‘ladi. Sperma-tangiy va tetrasporangiy ham maxsus konmeptakullarda yuzaga keladi. Hayotiy davri gaplodiplobiont tarzda izomorf gallanish bilan o‘tadi.



Corallinalar
Lithothamnion ko‘pqavatli po‘sqoloq, butacha ko‘rinishida, oxak shimgan, kuchli shoxlanganidan yumoloq ko‘rinadi. Buta ko‘rinishidagi tallomi bo‘g‘imlarga ajralmagan. Dengizlarda toshlar, qoyalar, shag‘al, mollyuskalarning chig‘onog‘ida, litoral va sublitoralda tarqalgan.
Coralline ko‘p qavatli tallomga ega, qorallarga o‘xshaydi. Ohaklangan bo‘g‘imlari ohaksizlari bilan navbatlashib joylashadi. Bo‘g‘imlarini shaklisilindrdan qoziqsimongacha, biroz bosilganday ko‘rinishda. Corallina dengizlarda keng tarqalgan.

Batraxospermalar – Batrachospermales tartibi

Bu tartibning vakillarida gametofit bevosita somatik reduktsiya tufayli diploid sporofitda yuzaga keladi.
Batrachospermum tallomini tashqi ko‘rinishi baqa tashlagan tuxumlarining to‘plamiga o‘xshaydigan buta ko‘rinishida, nomla-nishi shundan. Tiniq suvli daryolar, ko‘llarda tarqalgan. Tallomini bo‘yi 40sm gacha etadi, shilimshiqli, siyrak mutovka xolidagi shoxchali. YOn shoxchalari rangsiz tukli. Tallomining o‘rtasidagi hujayralarisilindrsimon, ko‘pchiligida u po‘stloqli.
O‘sishi cheklangan yon shoxchalarda ko‘payish azolari hosil bo‘ladi. Karpogoni trixoginali, urug‘lanishdan keyin karpogonni qorinchasidan tarmoqlangan iplar – gonimoblastlar yuzaga keladi, ularning hujayralarida karposporalar hosil bo‘ladi. Karposporan-giylarning to‘plami malina o‘simligining mevasiga o‘xshab ketadi. Karposporalardan diploid mikroskopik bosqich – CHantransia hosil bo‘ladi, ularda monosporangiylar shakllanadi. Monosporalar yordamida o‘zini hosil qiladi.

Nemaliyalar – Nemaliales tartibi