Tuban o‘simliklar

Kantarella - Cantharellus mevatanasi etdor, katta bo‘lakli, voronkasimon soyabon va bandli. Gimenofori panshaxasimon buklamali, bandida joylashadi. Sariq kantarella (C.cibarius) mevatanasini odamlar istemolda foydalanishadi. Bu zamburug‘da xasharot qurtlari bo‘lmaydi.
Kraterella - Craterellus turkumining zamburug‘larini mevata-nalarida gimenofor do‘ngli yoki burushgan. C.cornucopioides turi varaksimon mevatanali kulrangdan deyarli qaratusgacha.

Cantharellus cibarius



Kantarellalarning mevatanalari:
chapda- Craterellus cornucopioides; o‘ngda-Ramaria flava.

Ramariya - Ramaria yirik ancha tarmoqlangan mevatanali. Rangi ochiqtusli. Tuproqda, chirindida, qisman yog‘ochda uchraydi. R.flava turi istemol qilinadi.

Klavariadelfus - Clavariadelphus turining mevatanalarisilindr shaklida, sarg‘ish tusli.


Poriyalar tartibi – Poriales
YAqqol geterogen bu tartibning zamburug‘larini shakli, ustini tuzulishi, anatomiyasi jihatidan turlicha. Gimenofori, silliq, do‘ngli, naysimon, qisman yassi-plastinka ko‘rinishida. Poriyalar tartibiga po‘kak zamburug‘larning ko‘pchiligi mansub, yuqorida takidlaga-nimizdek yog‘ochni chiritadi. Ular turar joy imoratlarining yog‘och qismida ko‘p tarqalgan, tuproqda ham bor.
Mevatanalarining o‘lchamlari turlicha bo‘lib, kichkinalarini eni 1 sm diametrli, undan ham kichik, eng kattalarida esa eni 1 metrgacha, og‘irligi 20 kg dan ham ortadi.
Mevatanalarning usti mumsimon, dirildoqsimon, etdor terisimon, po‘kaksimon, yog‘ochsimon, kiygizsimon, g‘ovak kabi bo‘ladi. Mevatananing ichi oq, sutsimon, qo‘ng‘ir, yog‘ochsimon sariq, biroz pushti kabi tusga ega.
Ko‘pchiligining gimenofori naysimon tuzulgan. Sporalarini tuzulishi g‘o‘lasimon yumoloq ko‘rinishlargacha, odatda rangsiz bo‘ladi. Po‘kaklarning ayrimlarigina o‘sib turgan daraxtlarda, ko‘pchiligi quriganlarida o‘sadi.