Fragilarta turkumining hujayralari uzun tasma ko‘rinishidagi koloniyalarni hosil qilmaydi. Har bir hujayrada ikkitadan yassi yaproq shaklida xloroplastlar bor. Fragilaria suv havzalarning litoralida, qisman planktonda uchraydi.
Asterionella turkumining turlari odatda koloniyalar hosil qiladi. Hujayralar uchi bilan birlashib nafis yulduz hosil qiladi. Alohida hujayrasi ingichka tayoqcha shaklida uchi biroz kengaygan, chok yo‘q. Ko‘plab xloroplastlari mayda yassi yaproq shaklida. CHuchuk suv havzalari va dengizlarning planktonida keng tarqalgan.
Tabellariyalar – Tabellartales tartibi
Hujayralari tug‘ri to‘rtburchak pallasi ellipsimon ko‘rinishga ega. CHok yo‘q. Ko‘pchilik turlari chuchuk suvlarda epifitlar holida tarqalgan. Tabellaria turkumining turlari koloniyalar hosil qiladi, hujayralari zigzak ko‘rinishda bo‘ladi. Pallasining tuzilishi to‘g‘ri chiziqli naychaga, cho‘zik elips shaklida. Xloroplastlari ko‘plab mayda donalar holida. CHuchuk suvlarning turli predmetlarda planktonda tarqalgan.
Axnantlar – Achnanthales tartibi
Bu tartibga bir hujayrali va koloniya hosil qiladigan pallasining bir tomonida chok bo‘lgan turlar mansub. Cocconeis turkumlarining hujayralari bittadan bo‘lib, pallasi oval shaklida, birikadigan joyiga pastki chokli tomoni bilan birikadi. Pallasining yuqorisida chok yo‘q. Egilgan yassi yaproq shaklidagi xloroplastlari yuqori tomonidan joylashadi. Suv o‘tlari va yuksak o‘simliklarda epifit holda keng tarqalgan.
Simbellalar –Symbellales tartibi
Hujayralari bittadan yoki koloniyaga jamlangan. Pallasi izo - yoki getepol, yarim oysimon ham bo‘ladi. YOriqsimon chok pallaning har ikkalasida yaxshi namoyon bo‘lgan holda yoki bir tomonida arang bo‘linadigan bo‘ladi. Cymbella turkumida palla odatda yarim oy ko‘rinishda, qorin tomoni tekis yoki botiq, elkasi qavariqli. YOriqsimon chok malum darajada qorin tomonga surilgan, xloroplasti bitta. Hujayrasi shilliq band bilan birikkan yoki birikmagan bo‘ladi. CHuchuk suv havzalarda keng tarqalgan.
Gomphonema turkumida hujayraning bir tomoni boshqasiga morfologiyasiga ko‘ra farqlanadi. CHok pallaning o‘rtasidan o‘tadi. Hujayra substratga birikkan bo‘ladi. CHuchuk suv havzalarning bentosida keng tarqalgan.
Navikulalar – Naviculales tartibi
Hujayralari bittadan, pallasi izopol tuzilishi, yoriqsimon chok yaxshi rivojlangan. Pinnularia turkumining turlari cho‘ziq elips, yonidan to‘g‘ri to‘rtburchak shaklida ko‘rinadi. Palla bo‘ylab o‘rtasidan ingichka biroz egilgan liniya holida ariqsimon chok o‘tadi. Hujayraning o‘rtasi, ikki uchda terminal va markaziy tugun joylashadi. Pallani chekkasi bo‘ylab chokka etmaydigan aniq ifodalangan paralel yo‘nalgan qovurg‘alari bor. Hujayrasida ikkita katta yassi yaproq xloroplasti yoki bitta N-simon plastida joylashadi. Hujayraning o‘rtasidagisitoplazmatik ko‘prikda yadro mavjud.
K o‘prikning har ikki tomonida vakuola, moy tomchisi va valyutin donasi bor. Navicula turkumi diatomlar orasida turlarga boy hisoblanib, u Rinnularia tarqalgan joylarda uchraydi. Ko‘pchilik turlari Pinnularia turkumining turlariga o‘xshaydi.
Do'stlaringiz bilan baham: |