|
Тракторларни мойлаш ва умумий техник текширув
Тракторларни ўз вақтида ва керакли даражада мойлаш ниҳоятда муҳимдир. Баъзи ҳайдовчилар янги олинган тракторларнинг ҳамма мойланиши керак бўлган қисмларини мойламайдилар, чунки улар янги машиналарни биринчи марта мойлашдан олдин трактор йўриқномасидаги мойлаш схемаси билан танишмайдилар.
. Кўпинча тракторнинг мойланиши керак бўлган қисмлари оқ рангда бўлади
Фермерлар тракторларни умумий техник текширувдан ўтказаётганларида кўпинча қўйидаги хатоларга йўл қўядилар: трактор занжирларини мойламаслик, трансмиссияни текширмаслик ва мотор тасмаларини вақтида алмаштирмаслик, ҳатто, тасмаларни узилиб кетишигача ишлатиш.
Ҳар куни иш бошламасдан олдин, тракторнинг умумий ҳолати, хусусан мотор, трансмиссия ва ғилдираклар ҳолати текширилиши керак. Агар бундай ҳаракатлар мунтазам равишда амалга оширилмайдиган бўлса, бу тракторнинг далада бузилиб қолишига олиб келиши мумкин.
15-расм. Трактор янгилигида унинг барча мойланиши керак бўлган қисмларини аниқлаб олинг, чунки уларни аниқлаш осон кечади
Эскирган трактор қисмларини вақтида алмаштириш
Кўпинча машинанинг бирон бир қисми бузилганда, фермерлар фақат ишдан чиққан қисмни янгилаш билан чекланадилар холос. Бироқ, ишдан чиққан қисмнинг бузилишига сабаб бўлиши мумкин бўлган бошқа қисмларни ҳаттоки текширмайдилар. Масалан мотор тасмалари шкиви эскиргани сабабли ишдан чиқиши мумкин.
Ишдан чиққан машина қисмини алмаштириш билан сиз муаммони вақтинча ечишга муваффақ бўласиз, бироқ бу янги қисм ҳам тез орада ишдан чиқиши мумкин, чунки сиз барча эскирган қисмларни янгиламадингиз.
Кўп ҳолатларда барча эски қисмларни янгилаш кўп ҳаражат талаб этади. Бироқ, шундай бўлса-да, барча эски қисмларни алмаштириш орқали деҳқон келажак ҳаражатларни камайтиради, чунки машина кўп вақт ишдан чиқмайди.
ХУЛОСА
Инсон ўз меҳнатини мукаммаллаштириш ва унинг унумдорлигини ошириш мақсадида меҳнат қуролларини ва ишлаб чиқариш воситаларини доимий ва тўхтовсиз равишда ўзгартириб боради. Бунинг натижасида у доимий равишда юзага чиқадиган янги зарарли ва хавфли омиллар таъсири остига тушиб туради. Бу ҳолат айниқса ҳозирда, инсоният XXI асрга қадам қўйганда долзарб муаммога айланди. Халқ хўжалигининг турли соҳаларида мураккаб техник қурилмалар ва машиналарнинг қўлланилиши натижасида ишловчиларда нерв-психологик, статик юкланишлар, невроз ҳолатлари, касб касалликлари кўпайди, авария ва фалокатлар содир бўлиши ортди. Булар ўз навбатида ишлаб чиқаришда меҳнат хавфсизлигини таъминлаш масаласининг аҳамиятини оширади. Юқоридаги масалани ишлаб чиқаришда самарали ечиш учун қонуний, ижтимоий-иқтисодий, ташкилий, техник, гигиеник ва даволаш-олдини олиш тадбирлари ва воситалари тизимини жорий қилишни талаб этади, яъни „Меҳнат муҳофазаси”ни тадбиқ этишни талаб этади. Инсоннинг жамиятни тараққий эттириш ҳамда ишлаб чиқаришни бошқаришда асосий куч эканлигини ҳисобга олиб, унинг хавфсизлиги ва соғлиғини сақлаш ижтимоий тараққиёт йўлидаги муҳим омил ҳисобланади. Шунинг учун ҳам қишлоқ ва сув хўжалиги корхоналарида маҳсулот етиштириш жараёнида ишлаб чиқариш шароитини яхшилаш, ишлаб чиқаришда жароҳатланиш ва касб касалликларининг келиб чиқиш манбаларини йўқотиш, шунингдек иш фаолияти инсон учун чарчаш, толиқиш ва касалланиш манбаи бўлишлигининг олдини олишга ҳаракат қилиш зарур. Буларни амалга ошириш учун Ўзбекистон Республикасида меҳнатни муҳофаза қилишнинг ҳуқуқий, техник ва санитария-гигиена қоидалари билан белгилаб қўйилган қонунлари қабул қилинган ва янгидан таҳрир қилинган қоидалар умумжаҳон талаблари даражасида ишлаб чиқилмоқда.
ФОЙДАЛАНИЛГАН АДАБИЁТЛАР
1.Мухамедгалиев Б.А. “Ҳаёт фаолияти хавфсизлиги” фанидан ўқув-услубий мажмуа.Т.ТАҚИ,2019
2.Йўлдошев О.Р. ва бошқалар. Меҳнатни мухофаза қилиш. Т. Меҳнат, 2017.
3.Ёрматов Г.Ё. ва бошқалар. Ҳаёт фаолияти хавфсизлиги. Ўқув қўлланма. Т.2015
4..www. Ўзбекистон республикаси хукумат портали.
5..www.зиё.еду.уз. Вазирлик сайти.
6.www.Lifeprotection.com
7.www.Cleaneerproduction.com.
8.www.минтруд.уз. Меҳнат ва аҳолини ижтимоий муҳофаза қилиш вазирлиги сайти.
Do'stlaringiz bilan baham: |
