Трактор ва экскаваторларни ишлатиш ва таъмирлаш жараёнида хавфсизликни таъминлаш қоидалари Режа

Қишлоқ хўжалиги трактор ва экскаваторларини ишлатиш ҳамда таъмирлашда меҳнат хавфсизлигини таъминлашнинг умумий қоидалари
. Сув ва қишлоқ хўжалик трактори ва экскаваторлари ҳайдовчиларининг тайёргарлик даражасига қўйиладиган асосий хавфсизлик талаблари
Қишлоқ хўжалигида механизациялаштирилган ишларни бажаришда жароҳатланишлар, касбий касалланишлар, ўлим ҳодисалари ва бошқа хавфли ҳолатлар юз беришининг олдини олишда ҳайдовчи ва хизмат кўрсатувчи ходимларнинг меҳнат ва техника хавфсизлиги бўйича тайёргарлик даражаси асосий ўринлардан бирини эгаллайди. Шу сабабли қишлоқ хўжалигида қўлланиладиган трактор, экскаватор ва бошқа механизмлар ҳайдовчиларига бир қатор талаблар қўйилади.
Қишлоқ хўжалигида қўлланиладиган трактор ва экскаваторларни ишлатишга ҳамда техник хизмат кўрсатишга ёши 18 дан кам бўлмаган, тегишли рухсатномаси эга, даврий тиббий кўрик ва меҳнат муҳофазаси бўйича йўриқномалардан ўтган, машинада ёнғин юз берганда уни ўчириш усулларини, жароҳатланганларга бирламчи тиббий ёрдам бериш услубларини ҳамда йўл ҳаракат қоидаларини мукаммал билган шахсларга рухсат этилади.
Бу шахслар машина ва механизмларнинг, уларга уланадиган ускуна ва қурилмаларнинг қуйидаги тавсифларини билишлари зарур:

• 
  машина ва механизмларнинг иш бажариш ва қўлланиш соҳасини;
  
• 
  машина ва механизмларнинг куч тизими кинематик схемасини, тузилишини ва ишлашини;
  
• 
  машина ва механизмларнинг мойлаш картасини, мотордаги, трансмиссиядаги ва бошқа қисмлардаги мойларни олмаштириш даврийлиги ва ҳажмларини;
  
• 
  машина ва механизмларни созлашни, унинг тартибини ва даврийлигини;
  
• 
  машина ва механизм қисмларини йиғиш ечиш ва уларнинг массаси тўғрисидаги маълумотларни;
  
• 
  машина ва механизмларни бир жойдан иккинчи жойга кўчириш тартиби ва талабини;
  
• 
  моторга техник хизмат кўрсатиш ва ишлатиш бўйича кўрсатмани;
  
• 
  машина ва механизмларни ишлатишда асосий катталиклар бўйича (тезлик, юкланиш ва бошқа) йўл қўйиладиган чегаравий миқдорларни;
  
• 
  машина ва механизмлардаги тез ейилувчан ва ишдан чиқувчи қисмларни (тормоз ва илашиш муфталари ленталари, колодкалари, тасмалар, подшипниклар, сальниклар, лампалар ва бошқа) олмаштиришни ва созлашни;
  
• 
  ғилдиракли машина ва механизмлар учун бурилиш радиусини, бўйлама ўтувчанлик тавсифини, қияликда ишлашнинг чегара бурчагини, шиналарнинг стандарт ўлчамларини ва улардаги меъёрий ҳаво босими қийматини, орқа ва олдинги ўқларга тушадиган юкланишларнинг йўл қўйиладиган миқдорларини;
  
• 
  ҳайдовчи ўзига ишониб топширилган машина ва механизмларни бегона шахсларга бошқаришга техник хизмат кўрсатишга бермаслиги лозим;
  

1. 
   машина ва механизмларни ишлатганда ва уларга техник хизмат кўрсатганда амал қилиниши керак бўлган техника хавфсизлиги талабларини.
   
2.