Трактор ва экскаваторларни ишлатиш ва таъмирлаш жараёнида хавфсизликни таъминлаш қоидалари Режа

Хавфли ҳолат юзага келишининг олдини олиш
Тракторни техник кўрикдан ўтказиш ва техник хизмат кўрсатишдан олдин бевосита сизнинг тракторингизни домкрат ёрдамида кўтариш, ғилдиракларини қайта ўрнатиш ва бошқа кўзланган вазифаларни бажариш учун мос келадиган техник воситалар борлигига амин бўлинг.
Кўрикни ўтказадиган ишчилар ўта тажрибали бўлиши даркор. Бундан ташқари, хавфли вазиятларнинг олдини олиш учун аниқ техник кўрикдан ўтказиш усули танланиши керак.
Тан жароҳати олмаслик учун оғир трактор қисмларини кўтаришда техник соз ҳолатдаги махсус кўтариш механизмларни ишлатиш лозим. Тракторларга техник хизмат кўрсатиш вақтида атрофда бегона одамларнинг бўлиши таъқиқланади.
Тана жароҳати ёки бошқа нохуш ҳолат рўй бериш эҳтимоли ошгани сари бундай ҳолатнинг олдини олиш ва унинг зарарани камайтириш борасида ҳаракатларни амалга ошириш эҳтиёжи ошади.
Тракторларни таъмирлаш вақтида амал қилиниши лозим бўлган техника хавфсизлиги талаблари қуйида келтирилган:

• 
  трактор тормози, илашиш муфталарининг ҳолатини, уларнинг узатмаларини мунтазам равишда махсус йўриқнома асосида текширинг ва созланг;
  
• 
  трактор рули, чиқинди газларни чиқариш тизими ва тормози ҳар доим соз ҳолатда бўлишини таъминланг;
  
• 
  тракторингизга ёқилғи ёки мой қуйишдан ва қисмларини мойлашдан олдин моторни албатта ўчиринг; моторга хизмат кўрсатиш зарур бўлса унинг совишини кутинг;
  
• 
  трактор моторининг совутиш тизими техник ҳолатини текширинг;
  
• 
  тракторнинг электр асбоблари (аккумулятор, ёритиш чироқлари, сигнал чироқлари ва ҳ.к.) ҳолатини текширинг;
  
• 
  ишчиларнинг йиқилиб тушишини олдини олиш учун тракторларни таъмирлаш ишчи майдончаси ва унинг атрофидаги зина ва йўлакларни мой, чиқинди ва бошқа қолдиқлардан холи бўлишини таъминланг;
  
• 
  радиатор қопқоғини ечишдан олдин моторнинг бироз совишини кутинг;
  
• 
  моторни ўчиришдан олдин тракторнинг олд тиғи ва экскаватор чўмичини пастга туширинг.