Трактор ва экскаваторларни ишлатиш ва таъмирлаш жараёнида хавфсизликни таъминлаш қоидалари Режа

Тракторни домкрат ёрдамида кўтаришда амал қилинадиган хавфсизлик талаблари

• 
  тракторни текис юзада, масалан, бетон билан қопланган ерда кўтаринг;
  
• 
  ўзингиз якка ишламанг; тажрибали ишчини ёрдамга чақириш мақсадга мувофиқ бўлади;
  
• 
  тракторни домкрат билан кўтаришда тракторни ишлатиш қўлланмасида келтирилган маслаҳатларга амал қилинг ёки бу масала бўйича тажрибали мутахасисларга мурожаат қилинг;
  
• 
  агарда домкрат билан кўтариш учун мўлжалланган нуқталарни топа олмасангиз тракторнинг энг пастки нуқтасидан кўтаришга ҳаракат қилинг;
  
• 
  сизнинг тракторингизнинг стандартларига тўғри келадиган ва етарлича оғирликни кўтарадиган махсус таянч воситаларини қўлланг;
  
• 
  тракторнинг барқарорлигини сақлаш мақсадида тракторнинг олд тиғи ва экскаватор чўмичини пастга туширинг.
  

. Пона ва қозиқларни қўллаш

• 
  домкрат билан кўтариш жараёнида фақат қаттиқ ёғочдан тайёрланган ва трактор оғирлигини юмшоқ ерда ушлаб турадиган кенг юзали, текис турадиган тагликларни қўлланг;
  
• 
  тракторни домкрат ёрдамида кўтаришдан олдин кўтарилиши назарда тутилмаган қолган учта ғилдиракнинг олд ва орқа тарафларига ёғоч поналар қўйинг; пона сифатида тош ва темир буюмларни ишлатманг, улар бундай ишлар учун ўта яроқсиздир;
  
• 
  тракторга қўшимча транспорт воситалари уланган бўлса, бундай транспорт воситалар ғилдираклари остига ҳам поналар ўрнатинг; бундай қозиқлар тракторингизни домкрат билан кўтариш жараёнида барқарор бўлишини таъминлайди;
  
• 
  тракторни домкрат билан кўтаришдан олдин, қўл тормози тортилганлигига ва мотор тамомила ўчирилганлигига амин бўлинг;
  
• 
  тракторни домкрат билан кўтариш ва тушириш жараёнида ўзингизни трактордан иложи борича узоқроқ тутинг.
  

1.5.3. Ғилдиракларни ечишда амал қилинадиган хавфсизлик талаблари

• 
  ғилдирак ерда турган ҳолатида, яъни кўтармасдан олдин, ечилаётган ғилдирак гайкаларини бироз бўшатиб олиш зарур, бу тракторнинг кескин туртиниб домкрат ёки таянч устунлардан тушиб кетишининг олдини олади;
  
• 
  трактор ғилдирагини тўғиндан ечиб олишдан олдин, ғилдирак шинасидан сув ва ҳаво босимини чиқариб юборинг;
  
• 
  ғилдирак ажралмас тўғинлари жиддий тан жароҳати етказмаслиги учун, керакли хавфсизлик воситаларини ишлатинг;
  
• 
  далада шароитида бўлганизда, ҳеч қачон бир вақтнинг ўзида бирдан ортиқ ғилдиракни ечишга ҳаракат қилманг;
  
• 
  агар тракторнинг иккала орқа ғилдираги ечилиши даркор бўлса, буни фақат устахонада, текис ва қаттиқ қопламали юзада амалга оширинг;
  
• 
  тракторнинг орқа ғилдиракларни ечишдан олдин, қозиқларни ғилдиракнинг ўқлари ва асосий қисми ўртасига ўрнатиш орқали, қимирламас ҳолатга келтириш даркор.