Т/р спорт турлари номи тавсифи

Велосипед спорти
Велосипед спорти - велосипед билан трек, шоссе, паст-баланд жойда пойга қилиш, шунингдек фигурали юриш, велобол ва велополо мусобақалари. Европада 1860-йилларда пайдо бўлган. 1896 йилдан Олимпия ўйинлари дастурига киритилган. 1893 йилдан трекда, 1921 йилдан шосседа, 1929 йилдан ёпиқ биноларда, 1950 йилдан кросс бўйича жаҳон биринчиликлари ўтказилади. Халқаро велосипедчилар уюшмасига (УCИ; 1900 йил асос солинган) 152 мамлакат аъзо. 1997 йил Ўзбекистан Велосипед спорти федератсияси қайта ташкил қилинди. Шу йили Велосипед спортидан 6 халқаро спорт устаси тайёрланди. Ўзбекистонда етишиб чиққан М. Колюшейе, Ш. Захриддинов, А. Жамолиддинов, Ф. Галиуллина ва бошқалар жаҳон биринчилиги учун ўтказилган пойгаларнинг ғолибларидир.
35	Волейбол	Волейбол (инглизча воллей балл, воллей — уриб қайтармоқ ва балл — копток) — жамоа бўлиб ўйналадиган спорт ўйини. Ўртасидан тўр билан (еркаклар мусобақаси учун 2,43 м ва аёллар мусобақаси учун 2,24 м баландликда) бўлинган 9х18 м ли майдончада ўйналади. Бир жамоа 6 кишидан иборат бўлиб, 2 жамоа ўйнайди. Ўйинчилар тўпни қўл билан уриб, рақиб майдонига туширишга ҳаракат қиладилар. Коптокни уч уришда рақиблар томонига ўтказиш лозим. Мусобақа 3 ёки 5 тур ўйналади. Волейбол АҚШда пайдо бўлган (1895). Халқаро федератсия (ФИВБ; 1947 йил асос солинган) га 180 дан ортиқ мамлакат аъзо. 1964 йилдан Олимпия ўйинлари дастурига киритилган, 1949 йилдан жаҳон биринчиликлари ўтказилади. Волейбол Ўзбекистонда 1920 йилдан ўйналади. Ўзбекистон Республикаси 1991 йил Халқаро Волейбол федератсиясига, 1992 йил Осиё Волейбол конфедератсиясига аъзо бўлиб кирди. Ўзбекистонда бу спорт тури билан 700 мингдан ортиқ киши мунтазам шуғулланади. У мактабларда оммавий тус олган, жисмоний тарбия бўйича дастурнинг ажралмас қисми ҳисобланади.
36	Хоккей	Хоккей (инг. ҳоcкей) спорт ўйини. Дарвозалар ўрнатилган махсус майдонча (саҳн)да клюшка ва тўп (шайба) билан жамоа бўлиб ўйналади. Ўйинчилар томонидан рақиб дарвозасига кўпроқ тўп (шайба) киритиш мақсад қилиб қўйилади. Хоккейнинг 3 та асосий тури бор: чим устида Хоккей, муз устида ўйналадиган тўпли Хоккей, шайбали Хоккей.