Т/р спорт турлари номи тавсифи

Т/Р	СПОРТ ТУРЛАРИ НОМИ	ТАВСИФИ
1	Академик эшкак эшиш	Академик эшкак эшиш - эшкак эшиш спорти тури, академик қайиқлардаги пойгалар. 19-аср биринчи ярмида Буюк Британияда пайдо бўлган. Эшкак эшиш жамиятлари халқаро федератсияси (ФИСА, 1892 йил асос солинган) га 71 мамлакат аъзо (1991 йил). Академик эшкак эшиш 1900 йилдан олимпия ўйинлари дастурига киритилган, 1962 йилдан жаҳон чемпионатлари ўтказиб келинади.
2	Бадиий гимнастика	Бадиий гимнастика - спорт тури, буюм (тасма, копток, ҳалқа, арғамчи) билан ва усиз турли нафис гимнастика ва рақс машқларини мусиқа остида бажариш бўйича аёллар мусобақалари. Халқаро спорт мусобақаларининг ҳозирги замон дастурида кўп кураш (битта мажбурий ва буюмлар билан учта эркин машқлар) ҳамда буюм билан гуруҳ бўлиб эркин машқлар бажариш бор. Ғолиблар кўп курашда, алоҳида ва гуруҳ бўлиб бажариладиган машқларда аниқланади. Спортчиларнинг машқлари 10 балли тартиб бўйича баҳоланади. 40- йиллардан Бадиий гимнастика мусобақалари ўтказила бошланди. 50-йиллар охирида Халқаро гимнастика федератсияси (ФИЖ) Бадиий гимнастикани спорт тури сифатида тан олди. 1963 йилдан тоқ йиллари жаҳон чемпионатлари ўтказилмоқда, 70-йиллар бошидан Интервиденийе Кубоги учун йирик халқаро мусобақалар ташкил қилинмоқда. 1984 йилдан Олимпия ўйинлари дастурига киритилган.
3	Бадминтон	Бадминтон (Англиянинг Бадминтон шаҳри номидан) — патли копток (волан)ни ракетка билан уриб ўйналадиган теннисга ўхшаш спорт ўйини. Ўйин тўртбурчакли майдончада (яккама-якка учрашувларда майдонча ўлчови 13,4х5,2 м ва жуфтли ўйинларда 13,4х6,1 м) 1,55 м баландликда тортилган тўрда ўтказилади. Ўйинда рақиб урган коптокчани ерга туширмай унга қайтариш муҳимдир. 15 хол (аёллар ва болалар 11 хол) гача саналади. 3 ёки 5 қур ўйналади. Хол 0 ва жуфт бўлганда коптокча ўнгдан, тоқ бўлганда чапдан урилади. Жуфтли ўйинларда ўнг томондан бошланиб, ҳар холдан кейин ўйинчилар шериги билан ўрин алмаштиради. Бадминтон қадимги Малайяда вужудга келган, кейинчалик Осиёдаги бошқа мамлакатларга тарқалган. 19-аср 70- йилларида Англияда расм бўлиб, ўйин қоидалари ишлаб чиқилгач Европанинг бошқа мамлакатларига ҳам ёйилди.
4