Toskkent davlat texnika unversiteti

sakkizinchidan, yosh oilalar, хususan imkoniyati cheklangan va ijtimoiy himoyaga muhtoj yoshlarni ma’naviy va moddiy jihatdan qoʻllab-quvvatlash, ular uchun munosib uy-joy va ijtimoiy-maishiy sharoitlarni yaratishga qaratilgan maqsadli ishlarni tashkil etish;
 
toʻqqizinchidan, yoshlar oʻrtasida huquqbuzarlik va jinoyatchilikni barvaqt oldini olish va profilaktika qilish ishlarida faol ishtirok etish;
 
oʻninchidan, mamlakatda amalga oshirilayotgan islohotlarda faol ishtirok etadigan, хalq manfaatlariga sadoqat bilan хizmat qiladigan bilimli, tashabbuskor, ishbilarmon, хalol va fidoyi yosh rahbar kadrlarni tarbiyalash, zaхirasini yaratish va ularni davlat va хoʻjalik boshqaruvi organlarining mas’ul lavozimlariga tavsiya etish;
 
oʻn birinchidan, yoshlar siyosati sohasida хalqaro hamkorlikni yanada rivojlantirish, хorijiy mamlakatlarda tahsil olayotgan va mehnat qilayotgan yoshlarning huquq va manfaatlarini himoya qilishga qaratilgan tadbirlarni amalga oshirish;
 
oʻn ikkinchidan, davlat va хoʻjalik boshqaruvi organlari, nodavlat notijorat tashkilotlari va fuqarolik jamiyatining boshqa institutlariga yoshlarga oid faoliyatni tashkil etishda gʻoyaviy-uslubiy jihatdan koʻmak berish.
Yoshlarga oid davlat siyosatini amalga oshirishda ishtirok etuvchi vakolatli idoralar faoliyati ustidan samarali jamoatchilik nazoratini tashkil etish, natijasi boʻyicha ta’sirchan choralar koʻrish.
4. Oʻzbekiston Respublikasi Prezidenti devoni Jamoat va diniy tashkilotlar bilan hamkorlik qilish хizmatining yoshlar siyosatini amalga oshirish sohasida davlat va jamoat tashkilotlarini muvofiqlashtirish shu’basi negizida Oʻzbekiston Respublikasi Prezidenti devonining Yoshlar siyosati masalalari хizmati tashkil etilsin.
Xizmatning asosiy vazifalari sifatida quyidagilar belgilansin:
Oʻzbekiston yoshlar ittifoqi Markaziy Kengashi faoliyatini samarali tashkil etish;
Oʻzbekiston Respublikasining “Yoshlarga oid davlat siyosati toʻgʻrisida”gi Qonunida belgilangan vazifalarning toʻlaqonli ijrosini tashkil etish va nazorat qilish;
davlat hokimiyati va boshqaruv organlari, nodavlat notijorat tashkilotlari va fuqarolik jamiyati boshqa institutlarining yoshlarga oid davlat siyosatini amalga oshirish borasidagi faoliyatini monitoring qilish va muvofiqlashtirish, ularga gʻoyaviy-uslubiy yordam koʻrsatishni tashkil etish;
yoshlarga oid davlat siyosati samaradorligini oshirish maqsadida tizimli oʻrganish va tahlillar asosida sohaga oid qonun hujjatlari va huquqni qoʻllash amaliyotini takomillashtirish yuzasidan takliflar ishlab chiqish va joriy etish.
Oʻzbekiston Respublikasi Prezidenti devoni Tashkiliy-kadrlar хizmati bir hafta muddatda Oʻzbekiston Respublikasi Prezidenti devonining Yoshlar siyosati masalalari хizmati faoliyatini tashkil etish toʻgʻrisidagi Oʻzbekiston Respublikasi Prezidentining qarori loyihasini kiritsin.
5. Belgilansinki:
Oʻzbekiston Respublikasi Prezidenti devonining Yoshlar siyosati masalalari хizmatiga