Тошкент вилояти чирчиқ давлат педагогика институти қутлимуратов нурбек маткаримович

Тадқиқотнинг мақсади: Маҳаллий хомашёлар ва чиқиндилар асосида ионитлар синтези, физик кимёвий хоссалари ва қўлланилиши.
Тадқиқотнинг вазифалари:
поливинилхлоридни таркибида ДЭА ва МЭА сақлаган газларни тозалашда ишлатилан чиқиндилар иштирокида модификациялаш орқали таркибида амино ва гироксил гуруҳлар сақлган ионалмашинувчи материаллар олишнинг мақбул шароитларини аниқлаш;
олинган ион алмашинувчи материалларни кимёвий таркиби ва тузилишини идентификациялаш;
поливинилхлорид асосида олинган сульфокатионитни чиқинди ДЭА ва МЭА иштирокида модификациялаб таркибида амино- ва сулфогуруҳлари тутган полиамфолит олишнинг мақбул шароитларини аниқлаш ва унинг кимёвий таркибини идентификациялаш
олинган ионитларнинг физик, кимёвий ҳамда сарбцион хоссаларини замонавий тадқиқот усуллари ёрдамида ўрганиш;
маҳаллий хомашё ҳамда чиқиндилар асосидаги янги ионитларнинг қўлланиш соҳаларини аниқлаш;
Тадқиқотнинг объекти сифатида поливинилхлорид, сулфокатионит, газларни тозалашда ишлатиб бўлинган таркибида диэтаноламин ҳамда моноетаноламинлар мавжуд чиқиндилар, анионитлар, полиамфолит, турли хилдаги металл тузлари олинган.
Тадқиқотнинг предметини модификациялаш, оксидлаш, сорбция, регенератсия, десорбция, ғоваклик даражаси, кимёвий барқарорлиги, жараёнлар кинетикаси, сорбция кинетикаси ва изотермаси ташкил этган.
Тадқиқотнинг усуллари. Тадқиқотлар жараёнида ИҚ - спектроскопия, (ИҚ-Фюре тракcер-1100), элемент таҳлил (СЕМ-Эуро) сканерловчи электрон микроскопия (СЕМ-Эуро ЭCА-ЭУРО), дифференциал термик таҳлил, УБ- спектроскопия (EMC-30PC-UV Spectrophotometr), ютилиш жараёнларини ўрганишда сорбция изотерма назариялари (Ленгмюр, Фрейндлих, Тёмкин, Дубинин-Радешкевич ҳамда Флори-Хаггинс), сорбция кинетикаси (псевдо-биринчи ва псевдо-иккинчи тартибли кинетик моделлари) каби замонавий назарий ва экспериментал тадқиқот усуллари қўлланилган.


Тадқиқотнинг илмий янгилиги қуйидагилардан иборат:

• 
  поливинилхлоридни газларни тозалашда ишлатиб бўлинган таркибида диэтаноламин ҳамда моноетаноламинлар мавжуд чиқиндилар иштирокида модификациялаш орқали янги ПВХ-А-N-1 ҳамда ПВХ-А-N-2 анионитлар олинган;
  
• 
  гранулаланган пластикат поливинилхлорид асосида олинган сулфокатионитни чиқинди диэтаноламин ҳамда моноетаноламинлар билан модификациялаб поликомплексон олиш жараёнинининг мақбул шароитлари аниқланган;
  
• 
  олинган ионитларнинг физик ҳамда кимёвий хоссаларини текшириш орқали юқори сорбцион хоссага, кимёвий ва термик барқарорликга эга эканлиги аниқланди;
  
• 
  олинган анионитларнинг физик-кимёвий хоссаларини текшириш орқали унинг хоссалари саноат миқёсида қўлланиладиган АН-31 анионитига деярли тенг эканлиги исботланган;
  
• 
  олинган анионитларга Cu (II), Mn (VII) ва Cr (VI) ионлари сорбцион хоссалари ўрганилиши орқали олинган натижалар ПВХ-А-N-2 нинг сорбцион хусусияти ПВХ-А-N-1 анионитидан устунлиги аниқланган;
  
• 
  илк бор махаллий анионитлар ёрдамида газларни тозалашда ифлосланган алканоламинлар юқори самара билан регенерaция қилинган. Тадқиқотнинг амалий натижалари қуйидагилардан иборат:
  
• 
  маҳаллий хомашё поливинилхлоридни чиқинди аминлар иштрокида аминлаш орқали янги анионитлар олинган;
  
• 
  гранулаланган поливинилхлорид асосида олинган сулфокатионитни аминлаш орқали янги полиамфолит олинган;
  
• 
  “МАХАМ-Чирчиқ” АЖ саноат корхонасида маҳаллий хомашё поливинилхлорид асосида олинган ионитларни оқова сувларидан Сu(II), Сr(VI)ва Mn(VII)ионларини тозалашда қўллаш мумкинлиги ўрганилди;
  
• 
  олинган ионитларнинг «Муборак газни қайта ишлаш заводи»да оқова сувларини Cu²⁺, Cl^-, Сr(VI)ҳамда CH₃ОО^- ионларидан юқори самара билан тозалаши аниқланган;