Тошкент вилояти чирчиқ давлат педагогика институти қутлимуратов нурбек маткаримович

Тадқиқотнинг республика фан ва технологиялари ривожланишининг устувор йўналишларига мослиги. Мазкур тадқиқот республика фан ва технологиялар ривожланишининг ВИИ. «Кимё технологиялари ва нанотехнологиялар», ИТД-9 «Қишлоқ хўжалик ва саноатнинг турли соҳаларида маҳаллий хомашё асосида кимёвий маҳсулотлар қўллаш ва ресурс тежамкор янги технологиялар яратиш»; ИТД-12 «Органик, ноорганик полимер ва бошқа мавжуд материаллар олишнинг янги технологиялари» устувор йўналишларига мувофиқ бажарилган.
Муаммонинг ўрганилганлик даражаси. Ҳозирги вақтда турли реагентлар билан поливинилхлоридни модификациялаш орқали янги турдаги ион алмашинувчи ва комплекс ҳосил қилувчи материаллар яратилмоқда. Хусусан бир қатор хориж олимлари С. Моулай, К. Ҳашимото, С. Суга, Й. Wакаяма, А. Р. Роудман, Р. П. Кусй, Г. Мартинес, ИС. Аҳамед, В.В. Баяндин, Р.Г. Султангаре, Н.С. Шаглаева, К. Тохомито, Орхокова Э. поливинилхлоридни модификациялаш орқали олинган материалларнинг сорбцион хоссалари ва қўлланиш соҳаларини кенг қамровда ўрганишган. Мамлакатимизнинг бир қатор таниқли олимлари М.А.Асқаров, У.Н.Мусаев, А.Т.Джалилов, Т.М.Бабаев, М.Г.Мухамедиев, С.М.Туробжонов, Д.А.Гафурова, М.М.Каримов ва бошқалар турли хил полимер материаллардан фойдаланиб, ионитлар олиниши ва хоссаларининг физик-кимёвий жиҳатларини тадқиқ қилиш орқали ионалмашувчи материалларни синтез қилиш ва қўллаш бўйича илмий изланишларга салмоқли улуш қўшганлар.
Поливинилхлорид асосида таркибида азот сақлаган ионитлар олишнинг жараёнларини тадқиқ қилиш, олинган ионитнинг кимёвий, ғоваклик даражаси ва сорбцион хоссаларини текшириш янги турдаги ион алмашинувчи сорбцион материални яратишга олиб келади.
Диссертация тадқиқотининг диссертация бажарилган олий таълим ёки илмий-тадқиқот муассасасининг илмий-тадқиқот ишлари режалари билан боғлиқлиги. Диссертация тадқиқоти Тошкент вилояти Чирчиқ давлат педагогика институти илмий-тадқиқот ишлари режасига мувофиқ № ПЗ-20170926416 «Маҳаллий хомашёлар асосида олинган ионитлар иштирокида технологик эритмалар ва оқова сувлари таркибидан металл ионларини ажратиб олиш» (2018-2020 йй.) амалий лойиҳаси доирасида бажарилган.