Тошкент тўҚимачилик ва енгил саноат институти ттеси ҳузуридаги педагог кадрларни қайта тайёрлаш ва малакасини ошириш тармоқ маркази

10-расм. А 21(Rieter) толаларни чангсизлантирувчи – таъминловчи машинаси


Титиш-тозалаш машиналарининг ишига таъсир этувчи омиллар
Пичоқли барабанлар тезлиги. Пахта толасини шикастламасдан титишда пичоқли барабанларнинг тезлиги катта роль ўйнайди. Тезлик қанча оптимал бўлса, пахта шунча яхши титилади ва тозаланади, иш унуми юқори бўлади. Корхоналар тажрибаси асосида горизонтал пахта титиш машинаси пичоқли барабани тезлиги: ўрта толали пахта учун 550-780 мин^-1, ингичка толали пахта учун 440-550 мин^-1, вертикал пахта титиш машинаси пичоқли барабани тезлиги ўрта толали пахта учун 700-940 мин^-1, ингичка толали пахта учун 400-450 мин^-1 олинади.
Пичоқли барабан билан қолосникли панжағалар ўртасидаги хамда қолосниклар ўртасидаги оралиқ (разводка). Бу оралиқлар машинада ишлатилаётган пахтанинг тозалигига ва титилиш даражасига қараб ўрнатилади. Пахта қанчалик ифлос бўлса, бу оралиқлар шунча катта олинади. Лекин яхши толалар чиқинди камерасига тушиб кетмаслигини таъминлаш лозим. Титиш-тозалаш машиналарида пахтадан унинг навига қараб 0,38 дан 2,65% гача, базан 0,2 дан 6,5% гача хас-чўп ва чиқиндилар ажралади.
Ҳавонинг тортиш кучи ва унинг тезлиги. Машиналарнинг камерасида хавонинг пахтани тортиш кучи ва унинг тезлиги нормал бўлиши керак. Ҳаво жуда тез харакат қилса, пахта яхши титилмайди.
Машинанинг иш унуми. Машинанинг иш унумини пичоқли барабан тезлигига пропорционал қилиб танлаш керак. Пахта титиш маши­налари учун 800-900 кг/соат унумдорлик тавсия этилади. Агар пахта нормал намликда бўлса, титиш машиналарида толаларнинг шикастланиши кам титилганлик даражаси эса меъёрда бўлади.