Toshkent moliya instituti «sirtqi» fakultet «iqtisodiyot, boshqaruv, soliqlar va sug

IV. Mustaqil ta’limni tashkil etishning shakli va mazmuni
Mustaqil ta’limni tashkil etishning mazmuni: talabalar mustaqil ishlari mavzulari kelgusida bajariladigan kurs ishlari va bitiruv malakaviy ishlari mavzulari bilan uzviylikda bajariladi. Mustaqil ta’limni tashkil etish jarayonida talabalar mavzuga oid darsliklardan foydalanish tavsiya etiladi. Mavzuni yoritish jarayonida moliyaviy nazorat jarayonlarini tartibga soluvchi me’yoriy hujjatlarni o‘rganishga alohida ahamiyat qaratish lozim. Bunda O‘zbekiston Respublikasi Qonunlari, Prezident Farmonlari va Qarorlari, Vazirlar Mahkamasi Qarorlarining asosiy mazmuni talabalarga etkazilishi, ularning mavzuga oid qismlaridan ko‘chirmalar tarqatma material sifatida o‘rganilishi tavsiya etiladi. Qonun hujjatlarini o‘rganishda axborot tizimlaridan foydalanish mumkin. Internet saytlari ma’lumotlaridan samarali foydalanish, O‘zbekiston Respublikasida amalga oshirilayotgan ishlar, O‘zbekiston Respublikasi Moliya vazirligi va ularning rasmiy saytlaridan yangi ma’lumotlarni olib foydalanish lozim. Mustaqil ta’limni amalga oshirishda yo‘nalishlar bo‘yicha har bir mavzuni bajarish muddati va ularga berilgan soat alohida belgilanadi.
Mustaqil ta’limni tashkil etishning shakli bo‘lib, quyidagilar hisoblanadi: konspekt qilish, doklad yozish, referat yozish, kurs ishi yozish, bitiruv-malakaviy ish yozish, amaliy materiallar (jadval, grafik, chizma, sxemalar) tayyorlash.
Kurs ishi va bitiruv malakaviy ishi yozish bo‘yicha ma’lum uslubiy qo‘llanmalar mavjudligini hisobga olib, ushbu qo‘llanmada konspekt qilish, doklad yozish, referat yozish, amaliy materiallar (jadval, grafik, chizma, sxemalar) tayyorlashlar tartibini o‘rganamiz.
Bundan tashqari, fan mazmunini boyitish va uning ma’lumotlarini yangilab borishda axborot resurslaridan foydalanishni yo‘lga qo‘yish; fanning mazmunini yanada takomillashtirish maqsadida tavsiya etilgan chet el adabiyotlari ma’lumotlarini tarjima qilish va fanga tatbiq etish; talabalar fanni mukammal o‘zlashtirish maqsadida mazkur fanga oid muammolarni hal qilish yo‘llarini izlab topish va muammolarni maqolalar orqali yoritishlar ham kiradi.