Referat yozish Berilgan mavzu bo’yicha referat yozish (5%) -hafta 3

Akademik yozuv 1 fanidan talabalarning mustaqil ishlash uchun shaxsiy varaqasi

№	Mustaqil ta’lim mavzulari	Berilgan topshiriqlar	Bajar. muddat.	Hajmi (soatda)
VI semester
1	Maqolani tahlil qilish	Istalgan mavzuda ilmiy maqolani tahlil qilish va tahlil yozish (5%)	2-hafta	8
2	Referat yozish	Berilgan mavzu bo’yicha referat yozish (5%)	6-hafta	6
3	Annotatsiya yozish	Berilgan maqolalar uchun annotatsiya yozish (5%)	8-hafta	6
4	Taqriz yozish	Berilgan maqolalar uchun taqriz yozish (5%)	10-hafta	6
5	Muloqot texnologiyasi va texnikasi	Taqdimot qilish (5%)	11-hafta	6
6	AKT terminlari lug’atini tuzish	AKT terminlari lug’atini yaratish (5%)	13-hafta	6
7	Ilmiy maqolani tahlil qilish	Istalgan mavzuda ilmiy maqolani tahlil qilish va tahlil yozish (5%)	14-hafta	10
8	Mashqlarni bajarish	Terminlarga oid mashqni bajaring (5%)	15-hafta	6
Jami				54

1. 
   Publitsistik maqolani tahlil qilish.- 5 ball
   

Maqolalar sifatini tekshirish uchun savolnoma tuzing

Talablar	Ha	Yo’q
Maqola sarlavhasi mazmuniga mos keladimi?

Quyida berilgan maqolalarning birini o’qing va yuqoridagi savollar orqali maqolani tahlil qiling.

• 
  1. Barno Sultonova. Qo‘l telefoni yaxshimi yoki kitob?. 11.04.2016. Ziyouz.uz
  
• 
  2. Abdunabi Haydarov. Har ismda bir hikmat mujassam! 27.01.2017. Ziyouz.uz
  

2. 
   Referat yozish – 5 ball
   

Quyidagi mavzularning birini tanlab referat yozing.

1	Maqola va uning turlari.
2	Muloqot va kommunikatsiya jarayoni. Muloqot va uning turlari.
3	Muloqot va kommunikatsiya jarayoni. Rasmiy va norasmiy muloqot.
4	Muloqot texnologiyasi va texnikasi. Muloqot shakllari.
5	Mutaxassislikka oid so’z va terminlarning yasalishi, imlosi va qo‘llanilishi. Til va terminologiya.
6	AKT terminlarining morfologik, semantik va sintaktik xususiyatlari.

3. 
   Berilgan maqolalar uchun annotatsiya yozing – 5 ball
   

1. 
   R.Yo’ldashevning “Markaziy Osiyo mintaqasidagi Rossiya-Xitoy munosabatlarining tahlili” nomli maqolani o’qing (https://adu.uz/fayl/materiallar/ilmiy-maqola-toplam-2018.pdf) va unga quyida berilgan savollarga javob bergan holda annotatsiya matnini yozing.
   
2. 
   R.Yo’ldashevning “Zamonaviy tadqiqotlarda Rossiya-Xitoy-AQSh strategik uchburchagi doirasidagi munosabatlarning yoritilishi” nomli maqolani o’qing (https://adu.uz/fayl/materiallar/ilmiy-maqola-toplam-2018.pdf) va unga quyida berilgan savollarga javob bergan holda annotatsiya matnini yozing.
   

Ishda nima haqida so‘z boradi?
Muallif qanday savollarni o‘rtaga qo‘yadi?
Bu savollar qanday yoritib berilgan?
Ishning tuzilishi qanday?
Ishni qanday baholash mumkin?
Yozilgan ish kimlarga mo‘ljallangan? v.h.

4. 
   Taqriz yozish - 5 ball
   

3-topshiriqda berilgan maqolalar uchun taqriz yozing.

5. 
   Taqdimot qilish. “Muloqot texnologiyasi va texnikasi” mavzusida taqdimot tayyorlang – 5 ball
   
6. 
   AKT terminlari lug’atini yaratish – 5 ball
   
7. 
   Ilmiy maqolani tahlil qilish – 5 ball
   
8. 
   Mashqlarni bajaring – 5 ball
   

Quyida berilgan so’zlarni guruhlarga ajrating va sabablarini izohlang.
momo (buvi), gashir (sabzi), litsey, andoza, taxya (do’ppi), angishvona secha (chumchuq), qatim, ulus (xalq), taka (yostiq), hovva (ha); shatta (shu yerda), valish (ishkom), bichiq, loy, yakan (barchasi pul ma’nosini bildiradi), universitet, paqir (chelak); bitik (yozuv), buxorocha kallapo’sh (do’ppi), bedana(to’pponcha)inak (sigir), nana (ona); WiFi, toshkentcha ada (ota), onlayn, dada (bobo)б qaychi(revizor)

1. 
   shevaga xos so’zlar -
   
2. 
   kasb-hunarga oid so’zlar
   
3. 
   eskirib qolgan so’zlar : a) tarixiy so’zlar -
   

b) arxaik so’zlar -

4. 
   yangi paydo bo’lgan so’zlar -
   
5. 
   jargon so’zlar -
   
6. 
   argo so’zlar -
   
7. 
   olinma so’zlar-
   

6. AKT terminlari lug’atini yaratish.
O‘zbekiston – Hindiston: Axborot-kommunikatsiya texnologiyalari borasida istiqbolli hamkorlik

Hindiston taraqqiyotida ilm-fan va texnologiyalarning o‘rni beqiyos. Ushbu sohalarga e’tibor natijasida Hindiston 2005 yillardayoq dunyoning sanoati rivojlangan, agrar-industrial davlatlaridan biriga aylangan edi. Keyingi vaqtlarda ingliz tilida so‘zlashuvchi mutaxassislari ko‘pligi tufayli bu mamlakatda xalqaro korporatsiyalar soni yildan-yilga ortmoqda.

Boy tarix, ulkan iqtisodiy salohiyatga ega, madaniyati, milliy an’analari chuqur ildiz otgan Hindistondek davlat bilan yaqin hamkorlik O‘zbekiston tashqi siyosatining muhim yo‘nalishlaridandir.
Ta’kidlash joiz, Hindiston bilan Markaziy Osiyo xalqlari azaldan o‘zaro savdo-sotiq qilib kelgan. Jumladan, o‘zbek va hind xalqlari o‘rtasidagi iqtisodiy-ijtimoiy, madaniy aloqalar tarixi juda qadim davrlarga borib taqaladi. 1966 yil 10 yanvarda Toshkent deklaratsiyasi qabul qilingandan keyin Hindiston bilan Pokiston o‘rtasidagi qonli urushga chek qo‘yilgani tarixiy voqea bo‘lgan edi. Bu kabi aloqalar O‘zbekiston mustaqillikka erishgandan keyin yanada kengaydi.
Ikki davlat o‘rtasida iqtisodiy hamkorlik rivojida axborot-kommunikatsiya texnologiyalari sohasi alohida o‘rin egallaydi. Zero, Hindiston bugungi kunda dasturiy mahsulotlar ishlab chiqarishda dunyoning yetakchi davlatlaridan biridir. Ushbu mamlakatda AKTning yalpi ichki mahsulotdagi ulushi 7,7 foizni tashkil qiladi. AKT sohasida kadrlar tayyorlash darajasi ham yuqori reytinglarda baholanadi. O‘zbekiston uchun Hindiston bilan ushbu yo‘nalishdagi hamkorlik sohani zamon talablari darajasida rivojlantirishda muhim omillardan bo‘ladi.
O‘zbekiston Respublikasi Prezidenti Shavkat Mirziyoyevning 2018 yil 30 sentyabr – 1 oktyabr kunlari Hindistonga davlat tashrifi ikki mamlakat o‘rtasidagi hamkorlikni amaliy mazmun bilan boyitib, strategik sheriklikni yangi bosqichga olib chiqdi. Tashrif natijasida turizm, qishloq xo‘jaligi, fan-texnika, innovatsiya, tibbiyot sohalarida 20 ga yaqin bitim va kelishuvlar imzolandi. 2020 yilga kelib o‘zaro savdo aylanmasini 1 milliard AQSh dollariga yetkazish mo‘ljallandi.
Prezidentimiz tashrifi natijasida Amiti universitetining Toshkentdagi filiali ochildi. Shuningdek, mutaxassislar almashinuvi, texnoparklar tajribasini o‘rganish, elektron hukumat yo‘nalishida hamkorlik, hindlar tajribasiga tayangan “elektron sog‘liqni saqlash”, “elektron bojxona”, “elektron viza” kabi elektron davlat xizmatlarini ko‘rsatishni joriy etish mo‘ljallandi.
Prezidentimiz Shavkat Mirziyoyev Hindiston Respublikasi Bosh vaziri Narendra Modining taklifiga binoan 2019 yil 17-18 yanvar kunlari ushbu mamlakatga tashrif buyurib, “Jo‘shqin Gujarat – 2019” IX xalqaro investitsiya sammitida ishtirok etdi. Ushbu amaliy tashrif Osiyoning qudratli davlatlaridan biri Hindiston bilan O‘zbekiston o‘rtasidagi tarixiy munosabatlarni yangi bosqichga ko‘tarishda yana bir muhim qadam bo‘ldi. Negaki, tashrif davomida Andijonda o‘zbek-hind erkin farmatsevtika zonasini ochish, Andijon viloyati bilan Gujarat shtati, Samarqand bilan Agra shaharlari o‘rtasida hamkorlik rishtalarini bog‘lash, shuningdek, Shimol-Janub xalqaro transport koridoriga O‘zbekistonning qo‘shilishi borasida kelishuvga erishildi.