I. O‘quv fanning dolzarbligi va oliy kasbiy ta’limdagi o‘rni Ushbu fan talabalarda iqtisodiyot tarmoq va sohalarida boshqaruv faoliyatining o‘rni haqida ijtimoiy-iqtisodiy qarashlarni qamrab oladi. O‘zbekiston Respublikasi iqtisodiyotini modernizatsiya qilish bo‘yicha amalga oshirilayotgan islohotlar mamlakatimizning barqaror ijtimoiy-iqtisodiy rivojlanishini ta'minlashda ustuvor yo‘nalishlardan biri hisoblanadi.
Talabalarga ushbu fanni chuqur o‘rgatishda “Biznesni boshqarish” fanida o‘rganiladigan mavzular va nazariy-amaliy masalalar muhim ahamiyat kasb etadi. Biznesni boshqarish fani tadbirkorlik faoliyatini samarali olib borishda menejment kompleksini yaratish va boshqarish, boshqarishni rejalashtirish, boshqarish samaradorligining ilmiy-nazariy, uslubiy va amaliy tomonlarini o‘rgatadi.
“Biznesni bsohqarish” fani korxonalar boshqaruvining amaliyotda vujudga keladigan muammolarini tahlil qilishda va ularning yechimini topishda, shuningdek, sababiy bog‘liqlikda xulosalar yasashda muhim ahamiyat kasb etadi. Ushbu fan fundamental fanlardan hisoblanib, boshqa iqtisodiy fanlarni chuqur o‘rganishda asos bo‘lib xizmat qiladi.
“Biznesni boshqarish” fani asosiy ixtisoslik fani hisoblanadi. Dasturni amalga oshirish o’quv rejasida rejalashtirilgan iqtisodiyot nazariyasi, mikroiqtisodiyot, menejment, iqtisodiy tahlil va audit va boshqa fanlaridan yetarli bilim va ko’nikmalarga ega bo’lishlik talab etiladi.
II. O‘quv fanning maqsadi va vazifasi “Biznesni bsohqarish” fanini o’qitishning maqsad - kelgusida yuqori malakali iqtisodchi-mutaxassislar bo’lib yetishadigan talabalar uchun tadbirkorlik faoliyatini olib borishda innovatsion usullardan foydalanish, ishlab chiqarishni modernizatsiya qilish, texnik yangilash va diversifikatsiya qilish, innovatsion texnologiyalarni ishlab chiqarishga keng joriy etish, ichki bozorda talabni rag’batlantirish hamda mahalliy ishlab chiqaruvchilarni qo’llab-quvvatlash orqali xo’jalik yurituvchi sub’ektlarda marketing faoliyatini to’g’ri tashkil etishning asosiy yo’nalishlari bo’yicha ko’nikma va malakalar shakllantirishdir.
Fanning vazifasi – talabalarga va uni o’rganuvchilarga biznesni boshqarishning mazmun-mohiyati, biznesni boshqarish konsepsiyasi, funksiyalari, tamoyillari, vazifalari va turlari, biznesda marketing tadqiqotlari, bozor kon’yukturasini o’rganish va prognoz qilish, tovar, narx, taqsimot, kommunikatsiya siyosatlari kabilarni o’rgatishdan iborat.
Har bir mavzu yakunida ta’lim texnologiyalari keltirilgan va ularni qo’llash yuzasidan aniq tavsiyalar mazkur fandan ishlab chiqilgan o’quv-uslubiy majmua(O’UM)da bayon etilgan.
Biznesni boshqarish fanini o‘zlashtirish jarayonida amalga oshiriladigan masalalar doirasida talaba:
- biznes va tadbirkor tushunchalarini va mazmunini;
- tadbirkorlik faoliyatidagi talab va taklif, narx omillarini;
- marketing elementlarini;
- biznesni boshqarish kontsepsiyasi va uning mazmunini;
- biznesda tovar siyosati, narx siyosati;
- taqsimot siyosati va kommunikatsiya siyosatini bilishi;
- marketingning asosiy rivojlanish bosqichlari haqida bilishi va ulardan foydalana olishi lozim: -biznesni boshqarish tamoyillari va funksiyalari;
-tadbirkorlik faoliyatida bozor kon’yukturasi holatini tahlil etish va prognoz qilish jarayonlari;
-biznesni boshqarishda marketing dasturini tuzilishi va amalda qo’llanilish xususiaytlari;
-biznesni boshqarishda strategik va taktik rejalshtirish;
-bozorni segmentlash turlari;
-marketing faoliyatini axborot bilan ta’minlash;
-marketingni tarkibiy tuzilishi haqida bilishi va ulardan foydalana olishi; -kommunikatsiya kompleksi elementlari tarkibi;
- mamlakatimiz iqtisodiyotini tarkibiy o’zgartirish;
-demokratik bozor islohotlarini davom ettirish va chuqurlashtirish sharoitida talabga ta’sir etuvchi omillar;
-bozor sig’imi ko’rsatkichi haqida malakaga ega bo’lishi lozim: -raqobatbardoshlik darajasini aniqlash;
-marketing tadqiqotlarini o’tkazish;
-aholining xarid qobilyatini aniqlash va tahlil etish;
-korxonaning mijozlar talabiga mos strategiyani aniqlash;
-talab va taklif mutanosibligini aniqlash;
-mahsulotlar narxining barqarorligini ta’minlash;
-tovar siyosatini belgilash;
-korxonalarning brediga ta’sir etuvchi omillarni aniqlash;
-korxonaning marketing faoliyatini tahlil etish bo’yicha ko’nikmalariga ega bo’lishi kerak.
