Toshkent moliya instituti «sirtqi» fakultet «iqtisodiyot, boshqaruv, soliqlar va sug

Kafedra mudiri: E.Ergashev
Amaliy mashg‘ulot bo‘yicha uslubiy qo‘llanma institut O‘quv-uslubiy kengashining 2022 yil “___”_________dagi___-sonli qarori bilan ma’qullangan.
Kengash raisi: prof. S.Mexmonov
Kengash kotibi: I.Choriyev


KIRISH
Mamlakat taraqqiyotining hozirgi bosqichida iqtisodiyotni modernizatsiyalash va diversifikatsiyalash, o’tkazilayotgan bozor islohotlarini yanada chuqurlashtirish asosida mulkdorlar sinfini shakllantirish, aholining umumiy bandligini oshirish, Biznes va xususiy tadbirkorlikni yanada rivojlantirish milliy iqtisodiyotimiz oldida turgan eng dolzarb muammolardan biridir.
Ushbu dasturda “Biznesni boshqarish” fanida kichik biznes va xususiy tadbirkorlikning rivojlanish bosqichlari, biznesni boshqarishning asosiy tamoyillari, vazifalari, funksiyalari va turlari, biznes faoliyatini axborot bilan ta’minlash, marketing dasturi, strategik va taktik rejalashtirish, biznesda marketing nazorati, bozor kon’yunkturasini tadqiq etish va bashorat qilish, maqsadli bozorlarni tanlash, tovar va tovar siyosati, narx siyosati va narx strategiyalari, sotish siyosati, kommunikatsiya siyosati, xalqaro marketing kabi mavzularni qamrab olgan.
Biznesni boshqarish samarali yo’llarini tadqiq etish o’z navbatida mamlakatimizda faoliyat olib borayotgan tadbirkorlik subyektlarining bozorni o’rganishdagi olib borayotgan marketing tadqiqotlarini takomillashuviga va bozorda o’z o’rniga ega bo’lishlariga hamda raqobatbardosh mahsulotlar ishlab chiqarishlariga zamin yaratishi bilan dolzarb ahamiyatga ega.
“Biznesni boshqarish” fani Respublikamizdagi xo’jalik yurituvchi sub’ektlarning tadbirkorlik faoliyatini idora etishda marketing faoliyatini amalga oshirish va tartibga solishda, bozorda o’z iste’molchilarini topish, iste’molchilar didiga mos talab va ehtiyojni qondirish hamda raqobatbardosh mahsulot va xizmatlar yaratishda muhim rol o’ynaydi. Xizmatlar ko’rsatish turi va sifati samaradorligining o’sishiga ijobiy ta’sir ko’rsatuvchi omillar taxlili amalga oshiriladi hamda kerakli axborotlar shakllantiriladi. Bu zaruriy axborotlar korxona va bozor o’rtasidagi o’zaro munosabatlar tizimining hamda qay yo’sinda xaridorbop mahsulotlar ishlab chiqarish imkoniyatini beradi.
Shuning uchun ushbu asosiy ixtisoslik fani hisoblanib, iqtisodiyotda faoliyat olib borayotgan korxonalar mahsulot ishlab chiqarish strategiyasining muhim va ajralmas bo’g’ini hisoblanadi.