Toshkent moliya instituti «sirtqi» fakultet «iqtisodiyot, boshqaruv, soliqlar va sug

Aholining minimal iste’mol byudjeti – har bir oila a’zosining ish kuchini qayta tiklashi uchun zarur mablag’ miqdori. Bunda zarur iste’mol mollarining, xizmatning miqdori va sifati e’tiborga olinadi va oilaning har bir a’zosiga pul birligida hisoblanadi.
Bank – pul mablag’larini mujassamlashtiradigan, qarz beruvchi, pul, qimmatbaho qog’ozlarni, hisoblarni olib boruvchi muassasa.
Bankrot – to’lovga qodir bo’lmagan qarzdor.
Barter – savdo-sotiq faoliyatining bir turi bo’lib, mahsulot ayriboshlash pul to’lovisiz sodir bo’ladi. Almashuv mahsulotlar narxi, xalqaro va ichki bozor narxlari, sifati, etkazib berish shartlari hisobga olinib, ular o’rtasidagi nisbat o’rnatiladi.
Bashorat – ma’lum axborotlarga, raqamlarga, hisoblarga, sharoitga tayanib bashorat qilish.
Bijuteriya – zargarlik mollari savdosi.
Birja – qimmatbaho qog’ozlar, valyuta, tovar, ish kuchi va xom ashyo sotiladigan va harid qilinadigan muassasa.
Boj to’lovi – chegaradan chiqayotgan yoki kelayotgan mollarga qo’yilishi mumkin bo’lgan to’lov. Uning miqdori davlat siyosatiga bog’liq. Boj miqdori mahsus boj tariflarida ifodalanadi.
Bozor segmenti – bozorning ma’lum qismini tashkil etadi va bozordagi iste’mol maqsadi bir bo’lgan xaridorlarning xatti-harakatini tavsiflaydi. Xaridorning daromadi, turar joyi, oilaviy, milliy urf-odatlari, jinsi, yoshi va boshqa xususiyatlariga qarab bozor segmentlashtiriladi.
Bozor sig’imi – ma’lum bozorda ma’lum muddatda to’lovga qodir mol taklifi va chakana narx darajasi hisobga olingan holda sotilishi mumkin bo’lgan mol miqdori. Bozor sig’imini aniqlashda biror tovarga mo’ljallangan aholining harid quvvati, korxona-larning aynan shu molni sotib olish ehtiyoji hisobga olinadi.
Bonus – xizmat uchun mukofotlash, rag’batlantirish. Tovar bozorida bonusning miqdori sotilgan yoki harid qilingan tovarning qiymatiga, undan olinadigan foizga, tovarning bozorda tez soti-lishiga, sotilish yo’liga, iqtidorli komissionerlar o’rtasidagi raqobat darajasiga bog’liq.