|
4.3-rasm. A1-BIS-12 separatorining texnologik sxemasi
1-qabul qilish qurilmasi; 2-sharikli tozalagichlar; 3-saralash g‘alviri; 4-pnevmoajratgich kanali; 5-elovchi g‘alvir; 6-o‘zi muvozanatlanadigan tebratgich; 7-stanina; 8-elektro- dvigatel; I-boshlang‘ich don; II-yirik aralashmalar; III-mayda aralashmalar; IY-aspiratsion chiqindilar; Y-tozalangan don
Elash. Yirikligi bo‘yicha bo‘r, tuz, ohak uni va fosfatni nazorat qilish uchun omixta yem zavodlarida A1-DSM markali elovchi mashinalar (4.1.4-rasm) qo‘llanadi.
Mahsulot g‘alvirga tushgandan keyin aylanma harakat bilan g‘alvir yuzasining butun kengligi bo‘yicha tarqaladi. G‘alvirning qiya holati (3..40) mahsulotni mashinaning bo‘shatish qismi tomon harakatlanishi yo‘nalishini ta’minlaydi. Bunda elanadigan mahsulotning yirik qismlari qatlam yuzasiga ko‘tariladi, mayda qismchalar esa g‘alvirga tushadi va uning teshiklari orqali pastga ketadi.
A1-DSM elovchi mashinalarining ishlash samaradorligini ta’minlash uchun
mashinaga xom ashyoning teng tushishini ta’minlash va uni ortiqcha yuklashga yo‘l
qo‘ymaslik kerak. Uncha katta bo‘lmagan gabaritini (uzunligi 2280 mm, kengligi 900 mm va balandligi 1100 mm) va konstruksiyasining soddaligini e’tiborga olgan holda, A1-DSM elovchi mashinalari katta bo‘lmagan konstruktiv o‘zgartirishlar tufayli omixta yem zavodlarida og‘ir oquvchan komponentlarni: go‘sht suyagi uni, baliq uni, achitqi, shrot va unli xom ashyolarni nazorat uchun elashda (qo‘pol tozalashda) ham qo‘llash mumkin.
4.4-rasm. A1-DSM elovchi mashinaning texnologik sxemasi
1-qabul qiluvchi patrubka; 2-aspiratsion patrubka; 3-g‘alvirli korpus; 4-g‘alvir; 5-rezinali sharik; 6-elanmani g‘alvir orqali chiqarish uchun patrubka; 7-qoldiqni chiqarish uchun patrubka; I-mahsulotning tushishi; II-qoldiq; III-elanma
4.Metallomagnitli aralashmalarni ajratish. Xom ashyo va tayyor mahsulotni ifloslantiruvchi begona aralashmalar bilan bir qatorda metallomagnitaralashmalar (temir, po‘lat, cho‘yan bo‘lakchalari) ham ahamiyatli o‘rinni egallaydi. Ularning o‘lchamlari va shakli turli-tuman; kichkinagina changchadan katta diametrli bolt va gaykagacha bo‘ladi. Aylana va silliq bo‘lakchalar bilan bir qatorda qirrali, uchli,yaproqsimon qismchalar ham uchraydi va ular kichkina o‘lchamli bo‘lib, ozuqa bilan birgalikda hayvonlarning ovqat hazm qilish organiga tushishi va ularni yaradorlashi mumkin. Metall bo‘lakchasi, shuningdek mashinaning ishchi maydoniga tushib, uning ishchi organiga zarar yetkazishi va buning natijasida tez aylanuvchi detalning yemirilishiga, ba’zan esa ularning sinishiga va avariyaga olib kelishi mumkin.
Bolg‘alarning o‘tkir uchlari va bronli plitalari o‘tmaslashadi, ularning kesuvchi
qirralari silliqlashadi, bu nafaqat mahsulotni metallomagnit aralashmalar bilan
ifloslaydi, balki mashinalar ishining texnologik samaradorligini tushiradi hamda
unumdorlikning kamayishini va elektr energiyasi sarfining oshishini keltirib
chiqaradi. Bundan tashqari, changga aylangan har qanday organik modda uchun
uni havodagi miqdorining aniq proporsiyasi mavjud bo‘lib, bunda portlash va yong‘in chiqishiga ahamiyatsiz uchqunning o‘zi yetarli bo‘ladi. Bolg‘ali maydalagich, metall lopastli ventilyator, press-granulyator, ekstruder kabi mashinalarning ishchi maydonlariga metall bo‘lakchalari tushib kolsa, uchqun oson hosil bo‘ladi. Shu sababli har bir guruh bunday mashinalar oldidan, shuningdek tayyor mahsulotni qadoqlash va uzatish oldidan metallomagnit aralashmalardan tozalovchi mashinalar o‘rnatiladi.
Omixta yem va oquvchan komponentlarni bunday aralashmalardan tozalashning eng radikal usuli magnitli elashdir.
Magnitli elash deganda komponentlarni metallomagnitli aralashmalardan
tozalash jarayonida komponent va aralashmalarning turlicha magnit ta’sirlanishiga
asoslanganligi tushuniladi. Magnit maydoni doimiy magnit va elektromagnitlarni
yuzaga keltiradi, o‘ramlari esa doimiy tokdan oziqlanadi. Magnitli separatorlarning
mavjud konstruksiyalari magnit oqimini olishi usulidan bog‘liq holda
quyidagilarga bo‘linadi:
- doimiy magnitli separatorlari;
- o‘rami doimiy tokdan oziqlanuvchi elektromagnit separatorlarga.
Unisida ham, boshqasida ham magnit qutblari qo‘lda yoki mexanik
tozalanishi mumkin. Magnitli elashning vazifasi shundan iboratki, u tayyor
mahsulot tarkibidagi metallomagnit aralashmalar miqdorini me’yoriy-texnik
hujjatlarda o‘rnatilgan me’yorgacha kamaytirishi va bunda o‘lchami 2 mm dan
katta bo‘lgan metallomagnit aralashmalar butunlay ajratilgan bo‘lishi kerak.
Metallomagnit aralashmalarning xom ashyoga tushish manbai xom ashyo turidan
va tashish usulidan bog‘liq: donli ekinlarni yig‘ishtirishda, oldin metal
qoldiqlari, mix, ruda tashilgan vagonlarda xom ashyoni tashishida; oziq-ovqat va
donni qayta ishlovchi korxonalardagi (ozuqa uni, kepak, go‘sht suyagi uni, baliq uni
va boshqalar) magnitli to‘siqlarga yetarlicha e’tibor berilmaganda. Xom ashyo va
tayyor mahsulotga metallomagnit aralashmalar bevosita omixta yem
zavodlarining o‘zida: komponentlarni maydalashda (ishchi organlarining
yemirilishi); bir qancha mayda va g‘ichirlaydigan detallari bor bo‘lgan tashuvchi
mexanizmlardan ham tushishi mumkin.
Doimiy magnitlar. Omixta yem zavodlarida xromli va uglerodli po‘latdan
tayyorlangan magnitlarga qaraganda afzalliklarga ega bo‘lgan maxsus qattiq
qorishmali magniko doimiy magnitlari keng qo‘llaniladi. Magniko magnitlari
yuqori barqarorlikka ega, mexanik zarb va chayqalishlarga sezgirligi past, ularning
ko‘tarish kuchi uglerodli po‘lat magnit taqalaridan 2-3 marta katta. O‘zioqar
quvurlarda bir-biriga qarama-qarshi qilib emas, balki quvurning pastki qismidan
6..10 mm masofada bir ionli qutblar o‘rnatiladi, taqalar asosan shaxmat tartibida
joylashtiriladi. O‘zioqar quvurning magnitlar joylashgan qismi magnit bo‘lmagan
materialdan tayyorlanadi.
Umumiy magnit induksiyasini oshirish uchun magnitlar bloklar holida bir
necha qatorga montajlanadi: birinchisi – metallomagnit aralashmalarning katta
qismini qamrab oladi, keyingisi – qolgan qismni, oxirgisi esa – nazorat qiladi.
Magnit bloklarining konstruksiyalari ularni chetga siljitishga va ularni tashqi
tomonidan tozalashga imkon berishi kerak, chunki metall bo‘lakchalari
komponentlarga yoki omixta yemga qaytib tushmasligi lozim. Magnitli kolonkalar.
Magnitli komponentlarda ishchi organining asosini bloklarga teriladigan mahsulot
harakati yo‘nalishi bo‘yicha ketma-ket o‘rnatilgan magniko qorishmasining
taqasimon magnitlari tashkil qiladi. Magnit maydoni harakati zonasida magnitli
kolonka detallari magnit bo‘lmagan materiallardan tayyorlanadi. Omixta yem
zavodlarida BKM, MK, MKP tipli magnit kolonkalari va A1-DES, A1-DSF, EP-100 elektromagnit separatorlari qo‘llaniladi.
4.1.5 -rasmda BKM-2-3 magnitli kolonka konstruksiyasi keltirilgan. U
yog‘och yoki alyumin staninadan tashkil topgan bo‘lib, o‘qlarida ikkita magnit
bloki montajlangan. Magnitlarni tozalashda bloklar dastak yordamida o‘q atrofida
900 ga buriladi. Kolonkaning yuqori qismiga kirish teshigi siljuvchan qiya taxta va
sozlash vintidan iborat bo‘lgan iste’molchi qurilma joylashgan. Kolonkaning
qo‘yi qismida chiqarish teshigi joylashgan. Uning ishlashini nazorat qilib turish
uchun kolonkaning bo‘ylama devorida kuzatuv lyuki mavjud. Kolonka
vertikal to‘siq bilan ikkita mustaqil qismga bo‘lingan, bu esa bir vaqtning o‘zida turli
xil ikkita mahsulotni metallomagnit aralashmalardan tozalash imkonini beradi.
Bu turdagi magnitli kolonkalar omixta yem komponentlaridan va tayyor
mahsulotdan aralashmalarni ajratish uchun o‘rnatiladi.
Do'stlaringiz bilan baham: |
