Тошкент кимё-технология институти «озиқ-овқат маҳсулотлари технологияси» факультети

TAYYOR MAHSULOT SIFATIGA QO‘YILADIGAN TALABLAR 

Kolbasa mahsulotlarining sifati organoleptik va fizik-kimyoviy 

ko’rsatkichlari asosida baholanadi. Organoleptik usul bilan baholashda kolbasa 

batonlarining holatiga, tashqi ko’rinishi, konsistensiyasi, kesilgan joydagi 

qiymasining ko’rinishi, rangi, hid va ta’m ko’rsatkichlariga katta e’tibor beriladi. 

---

38 

 

 

Kolbasa batonlarining yuzasi toza, quruq, shikastlanmagan, dog’siz, 

yopishqoq joylari yo’q, qiymasi qaynab chiqmagan, shakli tog’ri, muayyan 

tartibda kanop bilan bog’langan bo’lishi kerak.Qaynatilgan kolbasalarning 

konsistensiyasi tarang, qayishqoq, qiymasining rangi esa pushti yoki och-pushti 

rangda bo’lishi lozim. Dudlangan va chala dudlangan kolbasalarning 

konsistensiyasi esa zich, kesimida qiymasi bir tekis qorishgan, kulrang dog’lari 

va bo’shliqlari bo’lmasligi, tarkibida kolbasaning har qaysisiga xos cho’chqa 

yog’i bo’lakchalari bo’lishi zarur. Qaynatilgan kolbasalarning hidi va ta’mi 

aynana shu turga xos, ziravorlari isi, mazasi sezilib turadigan, yoqimli bo’lishi 

kerak. Begona hid va ta’mlarning bo’lishiga yo’l qo’yilmaydi. Yuzasida quruq 

mog’or dog’lari bo’lishi xom dudlangan kolbasalarga xos xususiyat hisoblanadi. 

 

Qaynatilgan kolbasalarda namlik ularning turiga qarab 55-80%, tuz 1,5-

3,5%, kraxmal esa 1-3% miqdorda bo’ladi. Xom dudlangan kolbasalarda namlik 

25-30%, qaynatib dudlanganlarida 43%, yarim dudlangan kolbasalarda esa 35-

60% ni tashkil etadi. Bu tur kolbasalarda tuz miqdori turiga qarab 3% dan 6% 

gacha oraliqda bo’ladi.Kolbasalar tarkibida nitratlar miqdori 100 g mahsulotda 5 

mg dan oshmasligi belgilab qo’yilgan.