Тошкент кимё-технология институти “менежмент ва касб таълими” факултети

Резавор мевалар.
Резавор мевалар маданий ва ёввойи турларга бўлинади. 
Маданий резаворларга боғ ва мевазорларда ўстириладиган узум, крижовниқ 
смородина, земляника, қўлупнай, малина киради. Ёввойи ўсимликлардан 
маймунжон истеъмол қиймати юқори ҳисобланади.
Резавор мевалар тўйимли ва юқори таъмлилик хусусиятларига эга. Уларнинг 
таркибида осон ҳазм бўладиган қанд, органик кислоталар, витаминлар, минерал 
моддалар бор.
Узум, қора смородина, малина сингари резавор мевалар шифобахшлик 
хусусиятига эга.
Узум
 
ишлатилишига қараб хураки, майизбоп ва винобоп турларга бўлинади.
Хураки навларнинг таъми яхши, унда 15 дан 20% гача қанд (асосан, глюкоза) 
ва 0,7% кислота бор. Майизбоп навда камида 20% қанд ва хураки навдагига 
нисбатан камроқ кислота бўлади.
Кенг таркалган хураки навларга “Султон”, “Тайфи розовый”, “Ризамат”, 
“Паркент”, “Хусайни”, “Нимранг” ва бошқалар киради. Бу нав узумларнинг 
меваси йирик ёки ўртача катталикда, пўсти юпқа, майин ва эти серсув бўлади.

---

Сифатига кўра узум 1-ва 2-навларга бўлинади.
Хураки узум боши бўлиқ яхши пишган, банди маҳкам, заҳа емаган ва касал 
тегмаган мевали шингиллардан иборат бўлиши лозим.
Крижовникнинг
меваси юмалоқ ёки чўзиқроқ шаклда бўлади, пўсти яшил 
ёки қип-қизил, рангли, силлиқ ёки тукли. Ўзбекистода "Крижовник 
крупноплодная" навини Р.Р.Шредер номли боғдорчилик ва узумчилик 
институтида яратилган. Эти серсув, нордон ва ҳушбўй, унда 8—10% қанд, 1,5—
2,5% кислота, кўпгина пектин моддалари ва С витамини бор. Крижовникдан 
мураббо, желе қайнатилади. Ундан вино, маринад тайёрлашда ва бошқа 
мақсадларда ҳам фойдаланилади.
Савдога чиқариладиган крижовник меваси тоза, қуруқ, йириклиги, шакли ва 
ранги бир ҳил, хашарот тегмаган ва касалланмаган, димиқмаган ва чиримаган 
бўлиши лозим.