Toshkent farmatsevtika instituti

Sterillash usullari 3 ga bo’linadi; fizikaviy, kimyoviy va fizik-kimyoviy usullar.


Organizmning nospetsifik himoya omillari. Serologik reaksiyalar va ularning turlari.
Nospetsifik gumoral faktorlar turli – tuman mikroblarga taʼsir koʼrsatadiyu, lekin taʼsiri spetsifik antitelolar taʼsiriga qarangada ancha kam boʼladi. Spetsifik va nospetsifik faktorlarning birgalikda taʼsir koʼr- satishi hammadan koʼra samarali boʼlib chiqadi. Nospetsifik himoya faktor- lari jumlasiga komplement, properdin, leykinlar, plakinlar, β- lizinlar, interferon kiradi.

Komplement ( latincha complementum – toʼldirish degan soʼzidan olingan ) yoki aleksin ( yunoncha alexo - himoya qilaman degan soʼzdan olin- gan ) orqa miya suyuqligʼi bilan koʼz oldingi kamerasi suyuqligʼini aytmagan – da, organizmdagi deyarli barcha suyuqliqlarda topilgan. U baʼzi bakteriya- larni lizisga uchratish, eritib yuborish xususiyatiga egadir.

Properdin ( latincha perdere –yemirmoq, parchalamoq degan soʼzdan olingan ) qon zardobida Pillimer tomonidan topilgan. U oqsil – globulin boʼlib komplement va magniy ionlari bilan birga qoʼshilganda bakteriyalarga halokatli taʼsir koʼrsatadi va baʼzi viruslarni inaktiv holatga keltiradi.

Odamning qon hujayralari va qon zardobidan mikroblarga halokatli taʼsir koʼrsatadigan boshqa moddalar ham ajratib olingan, masalan, leykotsitlardan ajratib olingan termostabil, issiqqa chidamli bakteritsid moddalar – leykinlar, trombotsitlardan olingan plakinlar, odamning qon zardobidan olingan β – lizinlar shular jumlasidandir .

Interferon – virusning rivojlanishini susaytirb qoʼyadigan, ingiba- siyalaydigan oqsildir.