Toshkent farmatsevtika instituti

Aseptika – muayyan obektlar – operatsiya stoli, bakterialagik boks, sterillangan eritma yoki preparat (ineksiya uchun qo’llaniladigan eritmalar, ko’zga qo’yiladigan tomchilar ) larga mikrob tushirmaslik uchun ko’riladigan chora tadbirlar majmuasidir. Mikrobiologlar, jarroxlar va dori darmonlarni tayyorlash va ishlatishga alaqador bo’lgan boshqa tibbiy xodimlar bevosita aseptika usullarini qo’llagan xolda ish olib boradilar. Tibbiy muassasalarida xonalarni dezenfeksiyalash, asbob va materiallarni sterillash natijasida shart sharoit yaratiladi.

Antiseptika- makroorganizmlarning shilimshiq pardasi yoki terisidagi mikrorganizmlarning o’ldiradigan yoki ularning ko’payishini to’xtatadigan kimyoviy moddalarning qo’llash usulidir.

Dezinfeksiya- muayyan obekt yoki atrof –muxitdagi patogen mikroorganizmlarni, yuqumli kasallik tarqatuvchi mikroblarni zararsiz xolga keltirish demakdir. Dezinfeksiya qilishdan maqsad- yuqumli kasallik keltirib chiqaruvchi mikroblarning tarqalishini to’xtatishdan iboratdir. Dezinfeksiya qilish uchun fenol, formalin, xlor birikmalari yod sulema vodorod oksidi, antiseptiklar shuningdek, termik nur va boshqa tasir vositalaridan foydalaniladi.

Sterilizatsiya- tajriba xonada ishlatiladigan idishlar va mikroorganizmlarni o’stirish uchun tayyorlangan oziqa muxitlari xamda boshqa obektlarda bo’lgan saprofit va patogen mikroorganizmlar va ularning sporalarini butunlay yo’qotish sterilizatsiya deyiladi. Provizor- farmasevtlar, tibbiy va mikrobiologik muassalarining xodimlari sterilizatsiya usullarini yaxshi bilishlari va ularni amalda qo’llay olishlari kerak.