Toshkent farmatsevtika instituti

Obturatsion sariqlik o`t suyuqligini ichakka o`tishini buzilishi natijasida bog`langan bilirubinni jigardan qonga qaytib o`tishi bilan kuzatiladi. Qondagi ortiqcha miqdordagi bog`langan bilirubin, yaxshi eruvchi modda sifatida siydik bilan ajralishi oqibatida to`q sariq rangli siydik hosil bo`ladi. Axlat esa o`t pigmentlari bo`lmaganligi sababli oqish-kulrang bo`ladi.
Chaqaloqlar sariqligi fiziologik hisoblanib, yangi tug`ilgan bolalarda bilirubinni bog`lovchi glyukuronoziltransferaza fermenti yetishmasligidan kelib chiqadi. Bunga sabab eritrotsitlarni ortiqcha parchalanishi hisobiga qonda bog`lanmagan – erkin bilirubin miqdorining ortishidir. Fiziologik sariqlik chaqaloqlar jigarida glyukuronoziltransferaza sintezini boshlanishi bilan 2 hafta davomida o`tib ketadi. Qonda erkin bilirubin miqdorining uzoq vaqt yuqori darajada bo`lishi rivojlanayotgan miyaga zaharli ta`sir ko`rsatishi mumkin. Ba`zida bolalarda shaytonlash yoki nerv sistemasini qaytmas qo`zg`alishi kuzatiladi.
Ichak mikroflorasi faoliyati pasayishidan yuzaga kelgan disbakteriozda (masalan, tetrasiklin qatoridagi antibiotiklar bilan davolanganda) ham pigment almashinuvining buzilishi kuzatiladi.