Тошкент фармацевтика институти

 
Таянч иборалар: 
фармацевтик этика, фармацевтик деонтология, 
низолар, тадбиркор этикаси. 
Фармацевтик этика умумий этиканинг ,бир қисми сифатида 
фармацевтика хизматининг турли бўғинларида фаолият юритаѐтган 
фармацевтик ходимларнинг ўз касбий вазифаларини бажаришда хулқ – 
атворининг аҳлоқий меъѐрлари ва тамойиллари йиғиндиси бўлиб, дорихона 
ходимларининг фаолиятида алоҳида аҳамиятга эгадир. Бу фан фармацевт 
ходимлар хатти-ҳаракатларининг маънавий қадр-қиммати тўғрисидаги 
билимларни тақдим этади.
Фармацевтик деонтология – фармацевтик этиканинг нисбатан 
мустақил бўлимидир. «Деон» (грек тилида) – бажарилиши лозим, «логос» – 
таълим деган маъноларни билдиради. Фармацевтик деонтология тиббий 
деонтология билан узвий боғлиқ, чунки врач ва фармацевтнинг фаолияти 
инсон саломатлигини сақлаш ва мустаҳкамлашга йўналтирилган. Шу билан 
бир вақтда фармацевтик деонтология ўзига ҳос хусусиятларга эга, чунки
врачнинг вазифаси бевосита беморни даволаш бўлса, фармацевтнинг 
вазифаси дори воситалари билан сифатли таъминотни амалга оширишдир. 
Фармацевтик деонтология фармацевтнинг дори терапияси самарадорлигини 
имкони борича оширишга ҳамда бемор, врач ва ҳамкасабалар билан ўзаро 
муносабатларда қулай маънавий муҳитни яратишга қаратилган ўзини тутиш 
меъѐрларини ўрганади. У фармацевтнинг ўз касбий бурчини бажаришини, 

---

79 
унинг виждони, 
ғурури ва шаъни шаклланиши масалаларини 
таъминлайдиган ахлоқ-одоб талаблари ва қоидаларини кўриб чиқади. 
Фармацевтик этиканинг таркибий бўлими сифатида фармацевтик 
деонтология ҳам қуйидаги муҳим муаммоларни ҳал этиш йўлларини излаб 
топишни кўзлайди: - фармацевтик ташкилот жамоасини бошқаришнинг 
аҳлоқий асосларини ишлаб чиқиш ва ундаги маънавий-психологик муҳитни 
такомиллаштириш, жамоадаги аҳлоқий муносабатларнинг хусусиятларини, 
уларда пайдо бўладиган зиддиятларни ўрганиш, ҳамда уларни бартараф 
этиш
11
.
Фармацевтик деонтологиянинг вазифаларидан бири – касбий 
фаолиятнинг ахлоқий асосларини тарғибот қилиш ва фармацевтикада 
хизмат кўрсатиш маданиятни оширишдан иборат. 
Дорихонага 
мурожат этган мижозлар (беморлар, уларнинг 
қариндошлари ва х.) билан фармацевтларнинг ўзаро муносабатлари 
фармацевтик деонтологиянинг бош йўналиши бўлиб ҳисобланади.
Фармацевтик ходимлар беморлар ва дорихонага келувчилар билан 
ўзаро муносабатларда қуйидаги деонтологик талабларга риоя этишлари 
лозим. 
Ташқи кўриниш. 
Фармацевтнингозода ва ораста ташқи кўриниши 
дорихона мижозларининг унга нисбатан ишончига асос бўлади. Оқ халат,
ташқи орасталик, сипо соч турмаги, камтаринлик каби хислатлар беморлар 
билан ишончли муносабатлар ўрнатилишига имкон яратади.