Тошкент фармацевтика институти

Ходимларни рағбатлантириш
корхона иш берувчиси томонидан 
касаба уюшмаси қўмитаси билан келишилган холда қўлланади. Бир неча 
рағбатлантириш чоралари, шу жумладан моддий (пул мукофотлари, 
қимматбахо совғалар билан тақдирлаш) ва маънавий (ташаккурнома 
билдириш, махсус унвонлар бериш) рағбатлантириш чоралари билан 
биргаликда қўлланиши мумкин
10
.
Ходимнинг рағбатлантириш ҳақида корхона бўйича буйруқ 
чиқарилади, бу ҳақда меҳнат жамоасига эълон қилинади ва бу тўғрисида 
ходимнинг меҳнат дафтарчасига ѐзиб қўйилади. Ходим алоҳида меҳнат 
муваффақиятлари, давлат ва жамият олдидаги улкан ютуқлари учун 
белгиланган тартибда давлат мукофотларига тақдим этилиши мумкин. 
Ходимларнинг интизомий жавобгарлиги.
Корхонада амал қилувчи 
ички тартиб қоидалар, ходимнинг бурчлари, хизмат вазифалари доирасида 
хилоф равишда қилинган ҳаракатлар интизомий ножўя хатти-ҳаракат 
ҳисобланади. Интизомий ножўя ҳаракат деб ходим томонидан айбли ва 
хуқуққа хилоф тарзда ўз меҳнат мажбуриятларини бажармаслиги 
тушунилади. 
10
Д.Т.Саипова. «Фармацевтик менежмент» фанидан ўқув-услубий кўрсатмалар тўплами. – 
Тошкент-2011. – 187 бет. 

---

77 
Меҳнат Кодексининг 181-моддасида интизомий ножўя ҳаракат содир 
этган ходимга нисбатан қуйидаги жазо чоралари қўлланиши мумкинлиги 
назарда тутилган: 
1.
хайфсан; 
2.
ўртача ойлик иш ҳақининг 30%дан ортиқ бўлмаган миқдорда жарима, ички 
меҳнат тартиби қоидаларида 50%дан ортиқ бўлмаган миқдорда жарима 
солиш мумкинлиги кўзда тутилиши мумкин; 
3.
меҳнат шартномасини бекор қилиш. 
Юқорида кўрсатилганлардан ташқари бошқа интизомий жазо 
чораларини қўллаш тақиқланади. Интизомий жазо қўлланишидан аввал 
ходимдан ѐзма равишда тушунтириш хати талаб қилиниши лозим. Ҳар бир 
ножўя хатти-ҳаракат учун фақат бир интизомий жазо қўлланиши мумкин. 
Ходим ўз айбли ҳаракатлари билан корхона мол-мулкига зарар етказган 
бўлса, ходим интизомий жазога тортилиши билан бирга моддий 
жавобгарликка ҳам тортилиб, ундан етказилган зарар ундириб олиниши 
мумкин.