Toshkent davlat yuridik universiteti xalqaro tashkilotlar huquqi

Tashqi ishlar vazirlari kengashi
tashkilotning joriy faoliyati, 
Hukumat rahbarlari kengashining majlislariga tayyorgarlik ko'rish va 
tashkilot doirasida xalqaro muammolar bo'yicha maslahatlar o'tkazish 
masalalarini ko'rib chiqad. Kengash zarur hollarda SHHT nomidan 
bayonot beradi. 
Vazirlik va idoralar rahbarlari kengashi.
Davlat rahbarlari 
kengashi va Hukumat rahbarlari kengashining qaroriga muvofiq a'zo 
davlatlarning tarmoq vazirlik hamda idoralari rahbarlari SHHT doirasida 
tegishli sohalarda o'zaro hamkorlikni rivojlantirishning muayyan 
masalalarini ko'rib chiqish uchun muntazam asosda majlislar o'tkazadi. 

---

162 
Majlisni tashkil qilgan davlatning tegishli vazirlik va idorasi 
rahbari raislik qiladi. Majlisni o'tkazish joyi va vaqti oldindan kelishib 
olinadi. 
A'zo davlatlarning oldindan kelishuvi bo'yicha majlislarga 
tayyorgarlik ko'rish va o'tkazish uchun vazirlik hamda idoralar 
rahbarlarining majlislarida tasdiqlanadigan ish reglamentiga binoan 
doimiy yoki vaqtinchalik asosda faoliyat yuritadigan ekspertlar ishchi 
guruhlari tashkil etilishi mumkin. Ushbu guruhlar a'zo davlatlar vazirlik 
va idoralarining vakillaridan shakllantiriladi. 
Milliy muvofiqlashtiruvchilar kengashi
SHHT faoliyatining joriy 
faoliyatini boshqaradigan va muvofiqlashtiradigan organ hisoblanadi. 
Kengash Davlar rahbarlari kengashi, Hukumat rahbarlari kengashi va 
Tashqi ishlar vazirlari kengashi majlislariga zarur tayyorgarlik ishlarini 
amalga oshiradi. Milliy muvofiqlashtiruvchilar har bir a'zo davlat 
tomonidan ichki qoida va protseduralariga muvofiq tayinlanadi.
Mintaqaviy aksilterror tuzilmasi.
SHHT Mintaqaviy aksilterror 
tuzilmasining (MATT) Ijroiya qo'mitasi SHHT MATTning doimiy 
faoliyat ko'rsatadigan organi bo'lib, O'zbekiston poytaxti Toshkent 
shahrida joylashgan. Quyidagilar uning asosiy vazifalari hisoblanadi: 
1. A'zo davlatlarning terrorizm, separatizm va ekstremizga qarshi 
kurash masalasi bilan shug'ullanadigan vakolatli organlari va xalqaro 
tashkilotlar bilan amaliy aloqalarni saqlash; 
2. A'zo davlatlarga manfaatdor a'zo davlatlarning iltimosiga ko'ra, 
terrorchilikka qarshi o'quv mashqlari, terrorizm, separatizm va 
ekstremizga qarshi kurash bo'yicha tezkor-qidiruv hamda boshqa 
tadbirlarga tayyorgarlik va ularni o'tkazishga ko'maklashish; 
3. Terrorizm, separatizm va ekstremizga qarshi kurash masalasiga 
taalluqli xalqaro-huquq hujjatlari loyihalarini tayyorlashda ishtirok etish; 
4. MATTga a'zo davlatlardan kelib tushadigan axborot to'plash va 
tahlil qilish, MATT ma'lumotlar bazasini shakllantirish va to'ldirish; 
5. Global xavf va tahdidlarga qarshi samarali tizimni 
shakllantirishda ishtirok etish va boshqalar. 
Direktor MATT Ijroiya qo'mitasining oliy ma'muriy mansabdor 
shaxsi hisoblanadi va MATT Kengashi tavsiyaga ko'ra, Davlat rahbarlari 
kengashi tomonidan a'zo davlatlar fuqarolari orasidan uch yil muddatga 
tayinlanadi. 
MATT Ijroiya qo'mitasi o'z faoliyatida SHHT Xartiyasi, 
Terrorizm, separatizm va ekstremizga qarshi kurash bo'yicha Shanxay

---

163 
konvensiyasi, SHHTga a'zo davlatlar o'rtasida tuzilgan Mintaqaviy 
aksilterror tuzilmasi to'g'risidagi shartnoma qoidalari, SHHT doirasida 
qabul qilingan hujjatlar va qarorlarga rioya etadi.