Toshkent davlat yuridik universiteti xalqaro tashkilotlar huquqi

Yevropa Komissiyasi —
Yevropa Ittifoqining ijrochi organidir. 
Yevrokomissiya har bir a'zo davlatdan bittadan — jami 27 a'zodan 
iborat. Ular o'z vakolatlarini mustaqil bajaradi va faqat YeI manfaatlari 
uchun harakat qiladi, boshqa biron-bir faoliyat bilan shug'ullanish 
huquqiga ega emas. A'zo davlatlar Yevrokomissiya a'zolariga ta'sir 
ko'rsatishga haqli emas. Yevrokomissiya har besh Yillda quyidagi tarzda 
shakllanadi. Davlat va yoki hukumat rahbarlari darajasidagi YIL 
Kengashi Yevrokomissiya raisi nomzodini taklif etadi va bu 
Yevroparlament tomonidan tasdiqlanadi. KeyinchalikYeI Kengashi 
komissiya raisligiga nomzod bilan hamkorlikda a'zo davlatlar istaklarini 
inobatga olib, Yevrokomissiyaning taxminiy tarkibini shakllantiradi. 
Tarkib Yevroparlament tomonidan ma'qullanib, YeI Kengashi 
tomonidan yakuniy tasdiqlanishi lozim. Komissiyaning har bir a'zosi 
YeI siyosatining muayyan sohasi uchun mas'ul bo'lib, tegishli 
bo'limlarga rahbarlik qiladi (Bosh direktorat). Komissiya YeIning asosiy 
shartnomalarni bajarishga qaratilgan kundalik faoliyatini ta'minlashda 
muhim o'rin tutadi. Komissiya qonunchilik tashabbuslarini ilgari suradi 
va ular tasdiqlangach, hayotga tatbiq etilishini nazorat qiladi. YeI 
qonunchiligi buzilgan taqdirda komissiya sanktsiyalar qo'llash, Yevropa 
sudiga murojaat qilish huquqiga ega. Komissiya siyosatning turli 
sohalarida, shu jumladan agrar, savdo, raqobat, transport, mintaqaviy va 
boshqa sohalarda mustaqil huquqlarga egadir. Komissiya ijrochi 
apparatga ega, shuningdek, YeI byudjeti, turli fond va dasturlari, 
jumladan, Tasis dasturini boshqaradi. Ingliz, frantsuz va nemis tili 
Komissiyaning asosiy tillari hisoblanadi. Bosh qarorgohi Bryussel, 
Belgiyada joylashgan. 
Shunday qilib, YeI barcha davlatlarining ijro hokimiyati organlari 
faoliyatini muvofiqlashtirish, Yevroparlament faoliyati uchun tavsiyalar 
ishlab chiqish, a'zo davlatlar milliy qonunchiligini umumevropa 
standartlariga moslashtirish maqsadida qonunchilik tashabbuslarini 
ishlab chiqish, barcha 27 davlatning yagona Yevropa standartlariga, 
shuningdek, inson huquq va erkinliklariga rioya etishini nazorat qilish, 
yagona iqtisodiy (sanoat, qishloq xo'jaligi, soliq-byudjet, ijtimoiy, 
bojxona, valyuta, pul-kredit va boshqalar), harbiy, tashqi, madaniy 
siyosatni ishlab chiqish uchun milliy hukumatlar bilan tizimli ravishda 
maslahatlashish Yevrokomissiyaning vazifalaridir. 
Yevrokomissiya birinchi navbatda, har bir 27 a'zo davlatning 
hukumatidagi YeI ishlari bo’yicha vazir bilan aloqa o'rnatadi.

---

142 
Yevrokomissiyaning barcha qarorlari faqat tavsiya xususiyatga ega 
bo'lib, barcha bahsli masalalar milliy hukumatlar darajasida hal etiladi.
O'zbekiston Respublikasi va Yevropa komissiyasi o'rtasida 
Indikativ dasturni amalga oshirish bo’yicha qo'shma maqsadlar 
to'g'risida memorandum 2011yil24 yanvarda kuchga kirgan.