Тошкент давлат юридик университети

aholi punktlarining 
yerlari
tashkil etadi. Hozirgi kunda O‘zbekistonda aholi punktlarining 
yerlari 221 ming gektarni yoki umumiy yer fondining taxminan 0,49 foi-
zini tashkil etadi. Aholi punkti yerlarining huquqiy holati Yer kodeksining 
59–68-moddalarida o‘z ifodasini topgan. Unga ko‘ra aholi punktlarining 
yerlari – shaharlar, posyolkalar va qishloq aholi punktlarining yerlariga 
bo‘linadi.
Mamlakatimizda hammasi bo‘lib 119 ta shahar, 1467 ta qishloq 
aholi punktlari mavjud. O‘zbekiston poytaxti – Toshkent shahri obodligi 
va yashash uchun qulayligi jihatidan dunyo reytingida 140 shahar 
orasida 58-o‘rinni egalladi va jahon tasnifida yashash uchun eng qulay 
bo‘lgan yirik shaharlar qatoriga kiritildi.
Shahar yerlarining bosh vazifasi
– shaharning barqaror 
rivojlanishini, aholining maqbul tarzda joylashuvini, shuningdek, ishlab 
chiqarish va transport obyektlarining muvofiqlashgan holda joylashuvini 
ta’minlashdan iborat.
Shahar yerlari tarkibida yer fondining boshqa barcha toifalarini 
uchratish mumkin. Ushbu yerlar bir paytning o‘zida ham aholi punkti 
yerlariga, ham yer fondining boshqa toifasiga kiradi. Shunga qaramay 
shahar yerlarining asosiy qismini 
qurilish yerlari tashkil etadi. 
Bu 
yerlarga uy-joy, kommunal-maishiy, madaniy-ma’rifiy, sanoat, savdo, 
ma’muriy va boshqa binolar hamda inshootlar qurilgan va ularni qurish 
maqsadida berilgan hamma yerlar kiradi. Shahar qurilishi yerlariga yer 
fondining boshqa toifalaridan farqli ravishda xususiylashtirishni qo‘llasa 
bo‘ladi. Shuningdek, shaharlarning 
umumiy foydalanishdagi yerlari 
shahar hayotida alohida o‘ringa ega. Bu turdagi yerlarga maydonlar, 
ko‘chalar, tor ko‘chalar, yo‘llar, sohilbo‘ylari, aholining madaniy-maishiy 
ehtiyojlarini qondirish va dam olish uchun foydalaniladigan yerlar, 
kommunal-maishiy ahamiyatga molik yerlar, jumladan, qabristonlar, 
chiqindilarni zararsizlantirish yerlari kiradi. Umumiy foydalanishdagi 
yerlari yuridik va jismoniy shaxslarga biriktirib o
‘
quyilmaydi, bu yerlar 
bevosita shahar, tuman davlat hokimiyati organlarining ixtiyorida bo‘ladi. 

---

157