Тошкент давлат юридик университети

Yagona davlat yer fondi va uning tarkibi 
Mamlakatimiz butun yer fondi uning eng kichik bo‘laklari – yer 
uchastkalaridan tashkil topgan bo‘lib, yer uchastkalari ulardan foydalanish 
maqsadlariga ko‘ra toifalarga birlashadi. Muayyan hududni yer uchastkasi 
deya e’tirof etish uchun ushbu hudud Yer kodeksi 10-moddasida 
belgilangan talablarga javob berishi lozim bo‘ladi.
Yer uchastkalari ulardan foydalanish maqsadlari, aholining talab va 
ehtiyojlarini qondirishni e’tiborga olib, xalq xo‘jaligining barcha 
tarmoqlarini jonlashtirish va rivojlantirishni ko‘zlab, ishlab chiqarishni 
tashkil etishni hisobga olib toifalarga bo‘linadi. Yerlarni toifalarga 
bo‘lishda birinchi navbatda ulardan qaysi maqsad uchun foydalanish 
mumkin yoki mumkin emasligi e’tiborga olinadi. Shuningdek, yerlarni 
toifalarga bo‘lishda ularning tabiiy xususiyatlariga ham alohida e’tibor 
beriladi. Masalan, tabiiy xususiyatiga ko‘ra qishloq xo‘jaligi mahsulotlari 
yetishtirish imkoni bo‘lgan yerlar eng avvalo qishloq xo‘jalik maqsadlari 
uchun ajratiladi.
O‘zbekiston Respublikasining Yer kodeksiga ko‘ra (8-modda) 
mamlakatimizda yer fondi yerlardan foydalanishning belgilangan asosiy 
maqsadiga binoan quyidagi toifalarga bo‘linadi:

qishloq xo‘jaligiga mo‘ljallangan yerlar;

aholi punktlarining (shaharlar, posyolkalar va qishloq aholi 
punktlarining) yerlari;

sanoat, transport, aloqa, mudofaa va boshqa maqsadlarga 
mo‘ljallangan yerlar;

tabiatni muhofaza qilish, sog‘lomlashtirish, rekreatsiya 
maqsadlariga mo‘ljallangan yerlar va tarixiy-madaniy ahamiyatga molik 
yerlar

tarixiy-madaniy ahamiyatga molik yerlar;

o‘rmon fondi yerlari;

suv fondi yerlari;

zaxira yerlar.

---

155 
Sanab ko‘rsatilgan yer toifalari yagona davlat yer fondini tashkil etib, 
ular bir toifadan ikkinchisiga o‘tib turishi mumkin, ya’ni ular belgilangan 
toifada qotib qolmaydilar.