Тошкент давлат юридик университети

Tabiatni muhofaza qilish, sog‘lomlashtirish, rekreatsiya 
maqsadlariga mo‘ljallangan yerlar
va tarixiy-madaniy ahamiyatga 
molik yerlar
respublikamiz yer fondi tarkibida alohida mustaqil toifani 
tashkil qiladi.
Bu toifa yerlarning turlari, ulardan foydalanish tartibi O‘zbekiston 
Respublikasi Yer kodeksining 71–75-moddalari bilan tartibga solinadi. 
Ushbu toifa yerlar hozirda 75,9 ming ga bo
‘lib
, butun yer fondining 

---

158 
0,17% ni tashkil etadi.
Yer kodeksining 71-moddasida ko‘rsatilishicha, tabiatni muhofaza 
qilish, sog‘lomlashtirish, rekreatsiya maqsadlariga mo‘ljallangan yerlar va 
tarixiy-madaniy ahamiyatga molik yerlar muhofaza etiladigan tabiiy 
hududlar egallagan yerlardan iborat bo‘ladi.
Tabiatni muhofaza qilish maqsadlariga mo‘ljallangan yerlar
deganda, davlat qo‘riqxonalari, milliy va dendrologiya bog‘lari, botanika 
bog‘lari, zakazniklar, tabiat yodgorliklarining belgilangan tartibda 
korxonalar, muassasalar va tashkilotlarga maxsus maqsadlar uchun 
berilgan yerlar tushuniladi. Bu toifa yerlarda belgilangan maqsadga zid va 
zararli ta’sir etadigan faoliyat taqiqlab qo
‘
yiladi.
Sog‘lomlashtirish maqsadlariga mo‘ljallangan yerlar
deb tabiiy 
shifobaxsh omillarga ega bo‘lgan, kasalliklarning oldini olish va 
davolashni tashkil etish uchun qulay, belgilangan tartibda tegishli 
muassasalar va tashkilotlarga doimiy foydalanishga berilgan yer 
uchastkalariga aytiladi. Sog‘lomlashtirish maqsadlariga mo‘ljallangan 
yerlar aholining davolanishi va dam olishini ta’minlash uchun 
foydalaniladi. 
Rekreatsiya maqsadlariga mo‘ljallangan yerlar 
deganda aholining 
ommaviy dam olishi va turizmni tashkil etish uchun tegishli muassasalar 
va tashkilotlarga berilgan yerlar tushuniladi. Rekreatsiya maqsadlariga 
mo‘ljallangan yerlar daryo, ko‘l, dengizlar bo‘yida aholining ommaviy 
dam olishi uchun mo‘ljallangan, shuningdek obidalar joylashgan 
hududlarda turizm uchun mo‘ljallangan obodonlashtirish va turizm 
tashkilotlariga berib qo
‘
yilgan yerlar hisoblanadi. Bu yerlardan odamlarni 
dam olishi, madaniy ehtiyojlarini qondirish maqsadlarida foydalaniladi.