Тошкент давлат юридик университети

Maxsus vakolatli
davlat organlariga suvdan foydalanish va uni 
muhofaza qilish sohasida davlat boshqaruvini amalga oshiruvchi 
Ekologiya va atrof-muhitni 
muhofaza qilish davlat qo‘mitasi, 
O‘zbekiston Respublikasi Qishloq va suv xo‘jaligi vazirligi, Gidrome-
terologiya markazi, Geologiya va mineral resurslar davlat qo‘mitasi
kiradi. Ularning faoliyati asosan suvga oid munosabatlarni tartibga solish 
bilan bog‘liq bo‘lgan sababli maxsus vakolatli organlar deb nomlanadilar.
Ekologiya va atrof-muhitni 
muhofaza qilish davlat qo‘mitasi 
O‘zbekiston Respublikasi Vazirlar Mahkamasining 2017 yil 23 maydagi 
41
O’zbekiston Respublikasi. Oliy Kengashi Axborotnomasi, 1993 yil 5-son, 202-modda. 
42
O’zbekiston Respublikasi Oliy Majlisining Axborotnomasi, 2002 yil, 1-son, 38-modda. 

---

178 
qarori bilan tasdiqlangan Nizomiga muvofiq Ekologiya va atrof-muhitni 
muhofaza qilish davlat qo‘mitasi tabiatni muhofaza qilish, tabiiy 
resurslardan foydalanish va ularni qayta tiklash, shu jumladan, suvdan 
foydalanish va uni muhofaza qilish sohasida davlat nazoratini hamda 
tarmoqlararo boshqaruvni amalga oshiruvchi, idoralardan ustun turuvchi 
hamda muvofiqlashtiruvchi maxsus vakolatli organdir. O‘zbekiston 
Respublikasi Ekologiya va atrof-muhitni muhofaza qilish davlat qo‘mitasi 
O‘zbekiston Respublikasi Oliy Majlisiga bo‘ysunadi va unga hisobdor.
O‘zbekiston Respublikasi qishloq va suv xo‘jaligi vazirligi 
va 
uning organlari (suv xo‘jaligi bosh boshqarmasi va irrigatsiya tizimlari 
havza boshqarmalari) O‘zbekiston Respublikasi Vazirlar Mahkamasining 
2003-yil 28-iyundagi 290-sonli “O‘zbekiston Respublikasi Qishloq va suv 
xo‘jaligi vazirligi faoliyatini tashkil etishni takomillashtirish to‘g‘risida”gi 
qaroriga muvofiq quyidagilarni amalga oshiradi: suv resurslari balansini 
ishlab chiqadi, suv manbalari, havza irrigatsiya tizimlari, iqtisodiyot 
tarmoqlari, hududlar bo‘yicha suv olish limitlarini belgilaydi; suvdan limit 
bo‘yicha foydalanish tartibining amalga oshirilishini ta’minlaydi; suvdan 
foydalanuvchilar uyushmalari va boshqa birlashmalarni tashkil etish va 
rivojlantirishda metodik va amaliy yordam ko‘rsatadi; havza prinsipi 
asosida yer usti suv resurslari boshqarilishini amalga oshiradi; suv 
resurslaridan foydalanishda o‘zaro munosabatlarning bozor prinsiplarini va 
iqtisodiy mexanizmlarini ishlab chiqadi va joriy etadi; magistral, 
xo‘jaliklararo kanallar va kollektorlar, suv omborlari, nasos stansiyalari, 
gidrotexnika inshootlari va boshqa suv xo‘jaligi obyektlaridan 
foydalanishini tashkil etadi; gidromelioratsiya tizimlaridan texnik 
foydalanish, ularni rekonstruksiya qilish va ta’mirlash ishlarini 
muvofiqlashtiradi; suv resurslari hisobini olib boradi va ulardan 
foydalanishni nazorat qiladi, “Suvdan foydalanish” bo‘limi bo‘yicha davlat 
suv kadastrini yuritishda qatnashadi; sug‘oriladigan yerlarning meliorativ 
holati, sug‘orish va kollektor drenaj suvlari sifati ustidan monitoringni 
amalga oshiradi; suv resurslaridan kompleks foydalanishning istiqbolli 
sxemalarini ishlab chiqadi; transchegaraviy suv resurslari va obyektlarini 
boshqarish va ulardan foydalanish bo‘yicha Vazirlar Mahkamasiga 
takliflar kiritadi. 
Xullas, suv resurslaridan oqilona foydalanish va uni muhofaza qilish 
ustidan davlat boshqaruvi hamda nazoratini olib borish katta ahamiyatga 
ega bo‘lib, suv resurslaridan oqilona foydalanishga, uning musaffoligini 
saqlashga hamda har qanday ekologik huquqbuzarliklarning oldini olishga 
yordam beradi. 

---

179