Тошкент давлат юридик университети тадбиркорлик (бизнес) ҲУҚУҚИ

XI БОБ. Тадбиркорлик субъектлар фаолияти устидан давлат 
назорати 
Ҳиндистоннинг “МанСин” корпорацияси ижро органи раҳбари Манжид 
Сингх компаниянинг ҳуқуқшуноси Ранжид Сингхдан Ўзбекистон Респубикасида 
тадбиркорлик 
фаолияти 
субъектларини 
солиққа 
тортишга 
оид 
маълумотларни олгач компания ҳуқуқшуноси Ранжид Сингхга Ўзбекистонда 
тадбиркорлик субъектлари фаолияти устидан давлат назорати, қайси 
органлар тадбиркорлик фаолияти субъектлари устидан назоратни олиб 
бориши, қай турдаги текширишлар мавжудлиги тўғрисида батафсил 
маълумотлар тўплашни сўради.
Тадбиркорлик субъектлари фаолияти устидан давлат назорати 
тушунчаси, принциплари ва ҳуқуқий асослари.
 
Назорат қилувчи 
органлар ва уларнинг ваколатлари. Тадбиркорлик субъектлари 
фаолияти устидан давлат назорати шакллари. Тадбиркорлик 
субъектлари фаолиятини текшириш турлари. 
Тадбиркорлик субъектлари фаолияти устидан давлат назорати 
тушунчаси, принциплари ва ҳуқуқий асослари 
Назорат иқтисодиётни ва тадбиркорлик фаолиятини давлат 
томонидан тартибга солиш воситаларидан бир ҳисобланади. Давлат 
назорати давлат органлари томонидан амалга оширилиши 
муносабати билан уни давлат ҳокимиятини амалга ошириш 
шаклларидан бири сифатида қараш лозим. 
Тадбиркорлик субъектлари фаолияти устидан давлат 
назорати
деганда, тижорат ва нотижорат ташкилотлар томонидан 
тадбиркорлик фаолиятини амалга оширишда норматив-ҳуқуқий 
ҳужжатлар талабига риоя қилиниши устидан текшириш ва кузатиш 
тизими тушунилади. 
Тадбиркорлик субъектлари фаолияти устидан давлат назоратини 
давлат органлари, шу жумладан прокуратура органлари ўз 
ваколатлари доирасида амалга оширадилар.