Тошкент давлат юридик университети тадбиркорлик (бизнес) ҲУҚУҚИ

Тадбиркорлик субъектлари фаолиятига солиқ имтиёзлари 
асосида таъсир этиш 
Тадбиркорлик фаолияти субъектларини солиқлар воситасида 
таъсир этишда солиқ имтиёзларининг ўрни муҳим аҳамиятга эга. 
Солиқ имтиёзларини мавжудлигини асосий сабабларидан 
бири
бу солиқ тўловчи субъектларнинг жамиятда тутган мавқеи, 
ижтимоий-иқтисодий ҳолати турлича эканлиги, уларининг товар ва 
молия бозорида фаолиятини йўлга қўйиши орқали давлатнинг бир 
қатор ижтимоий вазифаларини таъминлашга кўмаклашади. 
Давлат иқтисодиётга таъсир этиб уни тартиблаш вазифасини 
амалга оширар экан, бунда энг асосий воситалардан бири жамиятдаги 
баъзи муҳим соҳаларни ёки солиқ тўловчиларнинг фаолиятини 
рағбатлантириш мақсадида солиқ имтиёзлари белгиланади. Яъни, 
давлат солиқ имтиёзлари орқали иқтисодиётни самарали ва қулай 
бошқариш ёки тартиблаш имкониятига эга бўлади, бундан 
кўринадики, солиқ имтиёзлари давлатни ўз функция ва вазифаларини 
юзага чиқарувчи муҳим восита сифатида юзага чиқади; 
Солиқ имтиёзлари бу солиқ тўловчининг солиқ мажбуриятлари 
ҳажмининг тўлиқ ёки қисман қисқариши, тўлов муддатининг 
кечиктирилиши ёки орқага сурилиши тушунилади. Солиқларнинг 
рағбатлантирувчи функцияси солиқ имтиёзлари тизими орқали 
амалга оширилади. Солиқ имтиёзи солиққа тортиш объектининг 
ўзгаришида, солиққа тортиш базасининг камайишида (қисқаришида), 
солиқ ставкаларининг пасайтирилишида ва бошқаларда ўз ифодасини 
топади. Солиққа тортилмайдиган объект минимуми, алоҳида шахслар 
ва солиқ тўловчиларнинг айрим тоифаларини солиқ тўлашдан озод 
қилиш, солиққа тортиш объектидан айрим элементларни чиқариш, 
солиқ ставкаларини пасайтириш, мақсадли солиқ имтиёзлари, солиқ 
кредитлари (солиқларнинг ундирилишини кечиктириш) ва бошқалар 
солиқ имтиёзларининг кўринишларидир (турларидир).
Жамиятда иқтисодий фаровонликни таъминлашда ҳамма 
даврларда ҳам солиқ имтиёзларини қзллаш афзал ва самарали усул 
ҳисобланган.