Toshkent davlat yuridik universiteti jinoyat huquqi

dastlabki qamoq vaqtini hisobga olish
qoidalari
ga 
ko‗ra, sud jazo tayinlash vaqtida dastlabki qamoqning har bir kunini: ozodlikni 
cheklash, intizomiy qismga jo‗natish va ozodlikdan mahrum qilishning bir kuniga; 
axloq tuzatish ishlari yoki xizmat bo‗yicha cheklashning uch kuniga; majburiy 
jamoat ishlarining to‗rt soatiga tenglashtirib hisoblaydi. Sud qamoqda saqlangan 
shaxsga jarima tayinlashda qamoqda saqlangan har bir kunni eng kam oylik ish 
haqining ikkidan bir qismiga tenglashtirib hisoblaydi. Dastlabki qamoq muddati 
yuqorida ko‗rsatilgan majburlov choralari qo‗llangan kundan boshlab jazo sud 
hukmi bilan kuchga kirgan kungacha bo‗lgan davrni o‗z ichiga oladi. Sud 
tomonidan dastlabki qamoq muddati hisobga olinishi shart bo‗lib, bu qoida rioya 
etilmasligi hukmning bekor qilinishi uchun asos vazifasini o‗taydi. 
Masalan, sud hukmi bilan 100 kun dastlabki qamoqda saqlangan shaxsga ikki 

---

168 
yil axloq tuzatish ishlari jazosi berilsa, muddat quyidagicha hisoblanadi: Axloq 
tuzatish ishlari jazosining umumiy muddati – 730 kun; qamoqda saqlangan davr – 
100 kun – axloq tuzatish ishlarining 300 kuniga teng; umumiy jazo muddati
730-300=430 kun. Demak, hukmda mahkumga bir yilu ikki oy muddatga axloq 
tuzatish ishlari jazosi tayinlanadi.
Xuddi shu mahkumga eng kam oylik ish haqining 400 baravari miqdorida 
jarima jazosi tayinlansa, quyidagicha hisob qilinadi: 100 kun qamoqda saqlangan 
kun uchun (eng kam oylik ish haqi miqdori 172240 so‗mning yarmisi
86 120 so‗m) 100x86120=8 612 200 so‗m. Jarima: 400 x 172240=68 896 000 
so‗m. Bu summadan dastlabki qamoq davri uchun hisoblangan summani ayirib 
tashlaymiz: 68896000-8612200=60 283 800 so‗m. Hukmda to‗lov uchun ana shu 
jarima jazosi summasi ko‗rsatiladi. Sud jazo tayinlanish chog‘ida ushlab turishning
Sud jazo tayinlash chog‘ida ushlab turishning, qamoqqa olishning yoki uy 
qamog‘ida saqlashning har kuning: 
а) ozodlikni cheklashning, intizomiy qismga jo‘natishning, ozodlikdan 
mahrum qilishning bir kuniga; b) axloq tuzatish ishlarinining yoki xizmat bo‘yicha 
cheklashning uch kunga; v)majburiy jamoat ishlarining to‘rt soatiga tenglashtirib 
hisoblaydi. 
Sud ushlab turilgan, qamoqda yoki uy qamog‘ida saqlangan shaxsga jarima 
tayinlashda ushlab turishning,qamoqda saqlashning bir kunini eng kam oylik ish 
haqining ikkidan bir qismiga tenglashtirib hisobga oladi.
Dastlabki qamoqda saqlangan muddat sud tomonidan tayinlangan jazo 
muddatiga teng yoki undan ortiq bo‗lgan hollarda, shaxs jazoni o‗tagan hisoblanadi 
va sud zalidan ozod qilinadi.