Toshkent davlat yuridik universiteti jinoyat huquqi

Jazo muddatlarini hisoblash
da (JKning 63-moddasi) quyidagi qoidalarga 
amal qilinadi: Muayyan huquqdan mahrum qilish, axloq tuzatish ishlari, xizmat 
bo‗yicha cheklash, ozodlikni cheklash, intizomiy qismga jo‗natish, ozodlikdan 
mahrum qilish tarzidagi jazolarning muddatlari oylar va yillar bilan hisoblanadi. 
Jazolarni almashtirish, hisoblash, qo‗shish vaqtida ularning muddatlari sutkalar 
bilan hisoblanishi mumkin. Majburiy jamoat ishlari tariqasidagi jazoning 
muddatlari soatlar bilan hisoblanadi.
Jazo muddati oy va yillarda hisoblaganda, jazo muddati hukm kuchga kirgan 
kundan boshlanib, keyingi yilning o‗sha sanasidan bir kun oldin tugaydi. Masalan, 
bir yillik jazo muddati 2017-yil 3 martdan boshlangan bo‗lsa, 2018-yilning
2-martida tamom bo‗ladi. Yilda necha kun bo‗lishi e‘tiborga olinmaydi. Uch oylik 
jazo muddati 2017-yil 10-martdan boshlanib, 2017-yil 9-iyunida tugaydi. Bunda 
ham oylar necha kundan iborat ekanligi ahamiyatga ega emas.
Majburiy jamoat ishlarining muddati bir kuniga 4 soatdan oshmasligi kerak va 
mahkum o‗qiyotgan yoki ishlayotgan bo‗lsa, ish yoki o‗qishdan bo‗sh vaqtlarda 
o‗taladi. Jazo 120 soatdan 480 soatgacha bo‗lgan muddatga tayinlanadi. Mahkum 
jazoni o‗tashdan bo‗yin tovlagan taqdirda, sud majburiy jamoat ishlarining
4 soatini ozodlikni cheklash yoki ozodlikdan mahrum qilishning 1 kuniga 
tenglashtirgan holda hisoblab, ushbu jazolardan biriga almashtiradi.
Mahkum jarimani to‗lashdan bosh tortganda qat‘iyroq jazo qo‗llanadi. 

---

169 
Bunday holatda hisob-kitob quyidagi tartibda olib boriladi: EKIHning 1 barobariga 
teng jarima summasiga 2,5 soat majburiy jamoat ishlari jazosi qo‗llanadi. Lekin bu 
holatda ham jazoning maksimal davri 480 soatdan oshmasligi kerak.