Toshkent davlat yuridik universiteti jinoyat huquqi

Shaxs tomonidan jinoiy maqsadga erishish uchun zarur bo„lgan barcha 
harakat yoki harakatsizlik amalga oshirilgan, biroq shaxs istagan oqibat unga 
bog„liq bo„lmagan sabablarga ko„ra yuz bermagan bo„lsa, 
tamom bo„lgan 
suiqasd
 deyiladi.
Shaxs tomonidan jinoiy niyatiga erishish uchun zarur bo„lgan barcha 
harakat (harakatsizlik)ni o„ziga bog„liq bo„lmagan holatlarga ko„ra amalga 
oshira olmagan bo„lsa, qilmish 
tamom bo„lmagan suiqasd
 deyiladi. 
Tamom bo‗lgan va tamom bo‗lmagan suiqasdni jinoyat tarkibi elementlari 
nuqtai nazaridan kelib chiqqan holda farqlash talab etiladi: Obyektiv elementiga 
ko‗ra: tamom bo‗lgan suiqasdda JK Maxsus qism dispozitsiyasida nazarda tutilgan 
barcha qilmishlar to‗liq bajarilgan, biroq oqibat kelib chiqmagan bo‗ladi; tamom 

---

106 
bo‗lmagan suiqasdda esa JK Maxsus qism dispozitsiyasida nazarda tutilgan harakat 
yoki harakatsizlik to‗liq bajarilmagan bo‗ladi. 
Subyektiv elementiga ko‗ra tamom bo‗lgan suiqasdda shaxs o‗zi tomonidan 
amalga oshirilgan qilmish jinoiy qasdini amalga oshirish uchun yetarliligini 
anglaydi, biroq jinoiy natija yuz bermaydi, tamom bo‗lmagan suiqasdda esa 
subyekt ichki ishonchiga ko‗ra barcha zarur harakatlar amalga oshirilmaganligini 
anglaydi.
Uchinchidan, tamom bo‗lgan suiqasd faqat moddiy tarkibli jinoyatlardagina 
mavjud bo‗ladi, tamom bo‗lmagan suiqasd esa ham moddiy ham formal tarkibli 
jinoyatlarda mavjud bo‗lishi mumkin.