Тошкент давлат юридик университети фуқаролик ҳУҚУҚИ дарслик II қисм

Хизматлар - моддий тусга эга бўлмаган аммо фойдали хусусиятга эга бўлган фаолиятнинг барча турлари.
Хизматлар сифати - хизматлар истеъмолчисининг белгиланган ёхуд тахмин қилинаётган эҳтиёжини қондириш лаёқатини аниқлашга қаратилган хусусиятларининг мажмуи.
Хизматни шахсан кўрсатиш - башарти ҳақ эвазига хизмат кўрсатиш шартномасида бошқа кўрсатмалар бўлмаса ижрочи томонидан хизматни шахсан ўзи кўрсатишидир. Хизмат хақи буюртмачи томонидан ижрочига тўланадиган хизматлар баҳоси.
Ҳадя шартномасига кўра бир тараф (ҳадя қилувчи) бошқа тараф (ҳадя олувчи)га ашёни текинга мулк қилиб беради ёки бериш мажбуриятини олади ёхуд унга ўзига ёки учинчи шахсга нисбатан мулк ҳуқуқи (талабини) беради ё бериш мажбуриятини олади ёхуд уни ўзи ёки учинчи шахс олдидаги мулкий мажбуриятдан озод қилади ёйинки озод қилиш мажбуриятини олади.
Ҳадянинг моҳияти шундаки, бунда мулк текин топширилади, яъни ҳадя қилувчининг тасарруфида бўлган ашё ҳадя олувчига мол-мулк қилиб ўтказилади.
Ҳақ эвазига хизмат кўрсатиш шартномаси - ашёвий шаклда бўлмаган хизматни бажариш (муайян ҳаракатларни қилиш ёки муайян фаолиятни амалга ошириш) бўйича тузиладиган фуқаролик ҳуқуқий шартнома.
энергетика — энергия ҳосил қилиш, узатиш, тақсимлаш, сотиш ва истеъмол қилиш соҳаси;
энергия — бир вақтнинг ўзида ҳосил қилиниши ва истеъмол қилиниши билан тавсифланадиган алоҳида турдаги товар;
энергия истеъмолининг шартномадаги миқдори — тегишли ҳисоб-китоб даврида истеъмолчи томонидан истеъмол қилинадиган энергиянинг энергия билан таъминловчи ташкилот ва истеъмолчи ўртасидаги шартномада белгиланган миқдори;
энергия истеъмолчиси(истеъмолчи) — энергия таъминоти шартномасига мувофиқ энергиядан ишлаб чиқариш ва (ёки) маиший эҳтиёжлар учун фойдаланувчи юридик ёки жисмоний шахс;
энергия сифати — энергия параметрларининг давлат стандартлари бўйича белгиланган талабларга мувофиқлиги;
энергия таъминоти ташкилоти —туман, шаҳар, иқтисодий зона (саноат зонаси) доирасида энергияни тақсимлаш ва сотишни амалга оширувчи юридик шахс;