Тошкент давлат юридик университети фуқаролик ҳУҚУҚИ дарслик II қисм

Ахборот хизматлари - муайян субъектлар томонидан фойдаланувчиларни ахборот билан таъминлаш хизматини кўрсатиш тури.
Бош пудратчи - ишнинг барча қисмларини шахсан бажаришни ўз зиммасига олган шахс.
Буюртмачи - пудрат шартномаси шартларига асосан иш бўйича топшириқ берувчи шахс.
Ёрдамчи пудратчи - пудратчи мажбуриятларининг бир қисмини бажаришни зиммасига олган шахс.
Йўловчи ташиш шартномаси бўйича ташувчи йўловчини, йўловчи багаж топширган бўлса – багажни ҳам белгиланган манзилга элтиб бериш ҳамда багажни олишга ваколат берилган шахсга топшириш мажбуриятини олади. Бунда йўловчи белгиланган йўл ҳақини, багаж топширган бўлса, багаж ташиш ҳақини ҳам тўлаш мажбуриятини олади (ФК, 710-модда).
Ишнинг баҳоси - пудратчининг чиқимлари ва унга тўланадиган ҳақ миқдори.
Ишнинг сифати - шартнома шартларига, шартлар бўлмаганида ёки тўлиқ бўлмаганида эса, одатда тегишли турдаги ишларга қўйиладиган талаблар йиғиндиси.
Кўчмас мулк – ер участкалари, ер ости бойликлари, бинолар, иншоотлар, кўп йиллик дов-дарахтлар ва ер билан узвий боғланган бошқа мол-мулк, яъни белгиланган мақсадига номутаносиб зарар етказмаган ҳолда жойини ўзгартириш мумкин бўлмайдиган объектлар.
Кўчмас мулк олди-сотди шартномаси – сотувчи ва сотиб олувчи ўртасидаги фуқаролик-ҳуқуқий муносабат бўлиб, унга кўра ер участкаси, бино, иншоот, квартира ёки бошқа кўчмас мулк сотиб олувчига мулк қилиб топширилади, сотиб олувчи бунинг учун сотувчига тегишли ҳақни тўлайди.
Қурилиш пудрати шартномаси - корхонани, бинони (жумладан, уй-жой биносини) иншоатни ёки бошқа объектни ыуриш ёки қайта қуриш ҳақида шунингдек монтаж, созлаш ишга тушуриш ва қурилаётган объект билан бевосита боғлиқ бўлган бошқа ишларни бажариш бўйича тузиладиган фуыаролик =уыуыий шартнома.
Қурилишни консервация қилиш - қурилишнинг тарафларга боғлиқ бўладиган сабабларга тўхтатиб турилиши.
Лойиҳа смета ҳужжатлари - қурилиш ва у билан боғлиқ бўлган ишларни, ишнинг хажми, мазмуни ва уларга қўйиладиган бошқа талабларни белгилайдиган ҳужжат.