Тошкент давлат юридик университети фуқаролик ҳУҚУҚИ дарслик II қисм

Назорат учун саволлар:

1. Пудрат шартномасининг фуқаролик ҳуқуқий шартномалар тизимида тутган ўрнини изоҳланг. Пудрат шартномаси ҳуқуқий табиатининг ўзига хос хусусиятларини муҳокама этинг.

2. Маиший пудрат шартномасининг тушунчаси ва ҳуқуқий белгиларини ёритиб беринг. Шартнома бўйича буюртмачи ва пудратчи ҳуқуқларининг кафолатларини ва улар жавобгарлигини суд амалиёти мисоллари асосида муҳокама қилинг.
3. Қурилиш пудрати шартномасини амалиётда қўллаш доираси тобора кенгайиб бормоқда. Шу боис уни тузиш тартиби, лойиҳа ҳужжатлари тарафларнинг ҳуқуқ ва мажбуриятларини пудратчи ва буюртмачининг жавобгарлигини қўллаш асосида таҳлил қилинг.
4. Икки дуродгор Бокиев билан унинг дачасида 1 июнга қадар ёғоч гараж қуриб беришга келишишди. Бажариладиган ишлар ҳақи томонлар тузган меҳнат шартномаси деб аталган ёзма ҳужжатда акс эттирилди. Шунингдек, бажариладиган қурилишнинг ўзига хос хусусиятларига оид ҳамма шартлари (гараж катталиги, зарур материал, металл том ва бошқалар) киритилди. Қурилиш учун материалларни Бокиев 10 майгача топиб бериши керак эди. Дуродгорлар ишни ўз вақтида бажаришга киришдилар. 28 майда ҳамма ишлар тугатилиш арафасида эди, дурадгорлар Бокиевдан 20 май куни ишларни қабул қилиб олиш учун келишини сўрадилар. 29 май куни фақат дарвозани ўрнатиш керак эди. 28 майдан 29 майга ўтар кечаси чақмоқ чақиб, гараж тўлалигича ёниб кетди. 2 июн куни ишларни қабул қилиб олиш учун келган Бокиев ёнғиндан сақланиб қолган фундамент ва ўрнатилмаган дарвозаларнигина кўрди. Ўзи билан дуродгорлар ўртасида пудрат шартномаси тузилган деб ҳисоблаган Бокиев бажарилган ишлар учун ҳақ тўлашдан бош тортди, дуродгорлардан ўз материаллари ҳисобига янги гараж қуриб беришни талаб қилди. Бироқ дуродгорлар Бокиевнинг талабларини рад қилишди. Уларнинг фикрича, дарвозалар ўрнатилишидан бошқа ҳамма ишлар учун улар ҳақ олишлари кераклигини ва уларни қандай шартнома тузганлиги қизиқтирмаслигини, уларни фақатгина олишлари лозим бўлган ҳақ миқдори қизиқтиришлигини айтишди.
Томонлар даъвосига ҳуқуқий баҳо беринг. Агар ёнғин 1 июндан 2-июнга ўтар кечаси содир бўлганда масала қандай ҳал қилинган бўларди?
5. “Элдор” хусусий қурилиш фирмаси билан “Эъзоз ”буюртмачи ташкилот ўртасида қурилиш пудрати шартномаси тузилди. Ушбу шартноманинг 3-бандига кўра гўзаллик салони биносини қуришга келишилган. Шартноманинг 4.2 бандида назарда тутилган объектни пудратчи ўз ҳисобидан суғурталаши шарти белигланган. Бироқ пудратчи ушбу шартномавий мажбуриятни бажармади. Қурилиш тугалланмасдан суғурта ҳодисаси юз берди. “Эъзоз” буюртмачи ташкилот пудратчи ўз суғурталашга оид мажбуриятини бажармаганлиги учун хўжалик судига шикоят билан мурожаат қилди.
Мазкур вазиятга ҳуқуқий баҳо беринг. Бундай ҳолда суд қандай қарор қабул қилиши лозим. Жавобингизга хўжалик суди қарорини илова қилинг.