Toshkent davlat texnika universiteti tasdiqlayman

1). Aminokislotalar bakteriyalarning tanasini qurish uchun sarflanadi.
2). Aminokislotalardan uglerod manbai sifatida foydalaniladi.
Jarayonda NH₂ guruhi NH₃ ga aylanadi yoki u organik kislotalar bilan bogʻlanadi.
RCH₂(NH₂)COOH → nCO₂ + mH₂O + NH₄OH
yoki reaksiya oxiriga yetmasa ba’zi bir kislotalar yoki spirtlar hosil boʻlishi mumkin. Masalan, alanin aminokislotasidan pirouzum kislota va ammiak hosil boʻladi:
CH₃CHNH₂COOH + O₂ → CH₃COCOOH + NH₃
alanin pirouzum ammiak kislota, yoki alanindan sut kislota va ammiak hosil boʻlishi mumkin:
CH₃CHNH₂COOH + H₂O → CH₃CHOHCOOH + NH₃
alanin suv sut kislota ammiak
Tuproqda organik moddalarning parchalanishi iqlim sharoiti, tuproq turi va qoʻllanilgan agrotexnika usullariga bogʻliq holda turlicha borishi mumkin. Masalan, Oʻrta Osiyoning boʻz tuproqlarida ammonifikatsiya juda tez boradi, chunki bahorda namlik yetarli, harorat ancha yuqori boʻladi. Aksincha, Shimoliy rayonlarda harorat past boʻlganligi uchun bu jarayonlar juda sekin boradi. Qora va kashtan tuproqli zonalarda ham organik moddalarning parchalanishi sekin boradi.
Oqsillarining parchalanishi uchun qulay harorat (25-30^°C) shuningdek, parchalanadigan mahsulotda yetarli darajada namlik boʻlishi kerak.
Mochevinaning parchalanishi. Mochevinani ammonifikatorlarning alohida guruhi-urobakteriyalar parchalaydi, bu bakteriyalarni 1862 yili Lui Paster kashf etgan. Urobakteriyalar mochevinani parchalab, H₂O, HN₃ va CO₂ hosil qiladi:
(NH₂)₂CO + 2H₂O = (NH₄)₂CO₃ = 2NH₃ + H₂O + CO₂↑
Urobakteriyalar aerob tipda nafas oluvchilar boʻlib, bularda ureaza fermenti boʻlganligi uchun mochevinani parchalaydi. Mochevinani parchalab, ammoniy tuzlarini hosil qilish urobakteriyalar uchun muhim ahamiyatta ega. Chunki ular mochevinadan na uglerod, na azot manbai sifatida foydalana oladi. Bu bakteriyalar ammoniyli tuzlarda, organik moddalarning tuzlarida yaxshi rivojlanadi. Urobakteriyalar yumaloq yoki uzun tayoqcha shaklida boʻlishi mumkin. Koʻpchiligi spora hosil qiladi. Masalan, Urobacillus pasteurii yirik, harakatchan, peritrix xivchinlanib, spora hosil qiladi.
Spora hosil qilmaydiganlariga tayoqchasimon Urobacterium miquelii ni misol qilish mumkin.