Тошкент Давлат техника

Кардан валларининг крестовиналари ва вилкалари. Кардан валларининг крестовиналарининг шиплари, вилкаларнинг подшипник ўрнатиш тешиклари ва шлицалари кўпроқ ейилишга учрайди. Ейилган крестовиналар хромлаш, эритиб қоплаш, втулкаларни пресслаб ўрнатиш ва пластик деформациялаш усуллари билан тикланади. Эритиб қопланган шипларнинг қаттиқлиги 45 НRС дан кам бўлмаслиги лозим.


17-Маъруза
17.1. Бошқариш механизми деталлари
Бошқариш механизми деталларининг нуқсонлари ва уларни тиклаш усуллари. Кўп учрайдиган гуқсонлар: бошқариш ўқларини эгилиши ва буралиши; шкворен ўтириш тешикларининг ва шкворен стопорини ейилиши; бобишкаларнинг четки сиртларини ва рессорларнинг қотириш майдончасини ейилиши. Ўқларларнинг эгилиши ва буралиши стендларда текширилади. Балкалар совуқлигича тўғриланади, чунки унга термик ишлов берилганда механик хусусиятлари дастлабкисидан ўзгариши мумкин. Буриш муштларининг шкворенлари хромлаш ва темирлаш йўллари билан тикланиши мумкин.
Чуқурчали ва дарзли, синган, босқичли ейилган ва ишчи юзалардан металл кўчган червяклар ва роликлар яроқсиз ҳисобланади.
Гидравлик система деталларидаги нуқсонлар ва уларни таъмирлаш усулларини кўриб чиқамиз.
Гидросистема агрегатларининг деталлари ейилганда ва резинали зичловчиларни эскириши натижасида ишчи суюқликнинг ташқи ва ички сизиши содир бўлади.
Гидросистема деталлари, йиғма бирликлари ва агрегатларини ясашнинг мураккаблиги ва юқори аниқлик талаб қилиши, ҳамда гермитиклигига қўйилган юқори талабларни ҳисобга олиб уларни таъмирлашни ихтисослашган таъмирлаш корхоналарида, технологик кетма-кетликка ва техник шартларга мувофиқ ўтказишни талаб этади.
Гидросистема агрегатларининг асосий носозликларига: ҳажмий ФИК ни техник шартларда белгиланган меъёрлардан пасайиб кетиши; ростланганликни бузилиши; бошқарилувчанликни ёмонлашуви; деталларнинг чегаравий ейилиши ва б.
Гидросистема деталлари учун абразив ва гидроабразив ейилишлар характерли.
Шестерняли насослар. НШ хилидаги шестерняли насосларнинг ейилиши натижасида, уларнинг ҳажмий ФИК ва ҳосил қилинадиган босим кескин пасаяди. Гидронасос бирикмаларидаги тирқиш 2 марта ошганда, суюқликнинг ички сизиши деярлик 8 марта ортади.
Насос корпуси қуйидаги усулларда тикланади: эпоксид смоласи асосидаги елимли таркиб ёрдамида ёки АЛ-9 қотишмасини қуйиш билан: оралиқ гилзалар қўйиш; торайтириш билан.