Тошкент Давлат техника

Электролитик қоплаш вақтини аниқлаш. Агар қопланадиган сиртнинг майдони, қоплама материалининг зичлиги, қоплама қатламининг қалинлиги, ток зичлиги ва ток бўйича металл ажралиб чиқиши маълум бўлса, электролитик қоплама содир бўладиган вақтни қуйидаги ифода билан ҳисоблаш мумкин:
,
бунда h- қоплама қатламининг қалинлиги, мм; γ- қоплама материалининг зичлиги, г/см³; C-электрокимёвий эквивалент, г/А·с; D_к- ток кучининг зичлиги, А/дм²; η- ток бўйича металл ажралиб чиқиши, %.


Назорат саволлари
1. Сервис корхонасида бажариладиган техник хизмат кўрсатиш ва жорий таъмирлаш жараёнининг иш ҳажми ҳисоблаш жараёнини тушунтиринг.
2. Агрегат мойини алмаштириш ва ейилишга синаш муддати нима асосида ҳисобланади?
3. Деталларнинг тозалаш сифати қандай баҳоланади?
4. Статик ва динамик балансировка қандай амалга оширилади?
5. Эхтиёт қисмга бўлган талабни аниқлашнинг қандай усуллари мавжуд ва уларни моҳиятини тушунтириб беринг.
6. Детални пресслаб чиқариш кучи н6ималарга боғлиқ?
7. Резбалик бирикмани қотириш кучи ва моменти қандай аниқланади?
8. Чўктириш, накатлаш режимлари қандай аниқланади?
9. Электролитик қоплаш вақти нималарга боғлиқ?


2-маъруза
Машинани ювиш ва ташҳизлаш,
Двигателга техник хизмат кўрсатиш
ва Таъмирлаш технологияси


2.1. Машиналарни ювиш ва тозалаш
Ифлослантирувчиларнинг турлари ва уларнинг тавсифи. Маълумки детал сиртлари талаб даражасида тозаланмаса уларнинг ресурси 20...50 % га пасаяди.
Тозалаш усули ифлослантирувчиларнинг турига боғлиқ. Улар шартли равишда қуйидаги турларга бўлинади: углеродли ёпишмалар (қурум, лакли пардалар ва асфалтсмолали моддалар); машина ва агрегатларнинг ташқи сиртига ёғсиз табиатга эга бўлган ёпишмалар; мойловчи материаллар (чанг, сув, қасмоқ) қолдиқлари.
Ёнилғи ва мой ёнганда қурум ҳосил бўлиб, улар ёниш камераси деворларига, клапанларга, учқунли ёндириш свечаларига, форсункаларга ва чиқариш коллекторларига ўтириб қолади.
Шатунларда, поршенларнинг ички сиртларида, тирсакли валларда ва б. юқори температура таъсирида локли пардалар ҳосил бўлади.
Асфалтсмолали моддалар асфалтенлардан, карбонлардан ва карбоидлардан иборат.
Қасмоқ двигателларнинг совитиш системасига калций ва магний тузлари кўринишида ёпишиб қолади. Қасмоқнинг иссиқлик ўтказувчанлиги металлникидан 60-100 марта кичик бўлади. Қасмоқ таркибига калций ва магний карбонатлари, гипслар, силикатлар киради.
Технологик ифлослантирувчилар (металл қириндиси, сайқалловчи пасталарнинг, шлифовкалаш тошининг қолдиқлари ва б.) таъмирлашда, йиғишда, мослаштиришда ҳосил бўлиб, детал сиртларини жадал ейилишига сабаб бўлади.
Ифлосланишни олдини олиш усулларига:
нефет махсулотларининг коррозион фаоллигини камайтирувчи қўшимчалардан фойдаланиш;
чўкмаларни детал сиртини ёпишиб қолишини камайтиришга олиб келувчи қопламалар билан қоплаш;
тоза сув, ёнилғи, сифатли мойловчи материаллардан фойдаланиш билан машиналардан техник фойдаланиш даражасини ошириш.