Тошкент Давлат техника

Generatorga texnik xizmat ko‘rsatish. Motor yurgizib yuborilgandan so‘ng, akkumulyator batareyasini zaryadlash uchun generatordan beradigan tokning qiymati ampermetr bo‘yicha aniqlanadi. Shuni nazarda tutish kerakki, asosiy motor yurgizib yuborilgandan so‘ng ma’lum muddatdan so‘ng zaryadlash tokining yo‘qligi, har doim ham generatorning nosozligidan darak bermaydi, bu batareya soz va to‘liq zaryadlanganligidan darak beradi.
Traktor har 240 soat ishlagandan so‘ng, himoya tasmasi olinib, shyotkalarni kollektorga yotish zichligi, shchyotkaga prujinaning bosimi va kollektor sirtining holati tekshiriladi. Dinamometr yordamida tekshiriladigan prujinaning normal bosimi 9-12,5 N, eng kichik ruxsat etilgani bosim esa 8 N atrofida bo‘lishi kerak. Balandligining 14 mm gacha eyilgan shchyotkalarni almashtirish talab etiladi. Yangi shchyotkalar kollektor sirtiga mayda №6 (donodorligi 00) shishali charim bilan ishqalab moslashtiriladi. Charim tasma shchyotka va kollektor orasiga shunday quyiladiki, uning shisha qatlami shchyotka tomonga qaragan bo‘lishi kerak. Tasma kollektorning aylanishiga qarshi tomonga shchyotka va kolektor o‘rtasiga silliq siljitilib, uni shchyotkaga to‘liq tegishiga erishiladi. Tasma kollektorning 180º dan kam bo‘lmagan aylanasini qamrashi lozim. Shchyotkalar ishqalab moslangandan so‘ng generator siqilgan havo bilan purkalanadi.
Кollektorning ishchi sirti toza bo‘lishi lozim. Undagi iflosliklar benzinda namlangan lattada surtiladi. Uncha katta bo‘lmagan kuyish izlari va notekis eyilishlar motorni genera-tordan echmasdan kollektor sirtini №6 - shisha charm bilan shlifovkalab bartaraf etiladi. Generatorga qo‘yilgan kengligi kollektor uzunligiga teng bo‘lgan charim tasma kellektorni aylanasi bo‘yicha 180º ga qamraydi va generator vali qo‘lda aylantiriladi. Ishqalab moslash­tirilgandan so‘ng generatorning ichki qismidan va kollektor sirtidan shisha changgi siqilgan havoda tozalanadi.
Кollektorda kattaroq miqdorda eyilish va uning sirtida g‘adir-budirlik bo‘lsa, generator kollektorning eyilgan sirtini yo‘nish uchun ustaxonaga yuboriladi.